Logo

सोमवार, मंसिर १ गते २०८३

images
२०८३, मंसिर १ गते
images

इन्टरपोलबाट ‘रेड नोटिस’ जारी भएका फरार प्रतिवादी ६ वर्षपछि पक्राउ

इन्टरपोलबाट ‘रेड नोटिस’ जारी भएका फरार प्रतिवादी ६ वर्षपछि पक्राउ

images

इच्छाकामना न्युज

२४, फाल्गुण २०७८
इन्टरपोलबाट ‘रेड नोटिस’ जारी भएका फरार प्रतिवादी ६ वर्षपछि पक्राउ
images

काठमाडौं, २४ फागुन । इन्टरपोलमा ‘रेड नोटिस’ जारी भएका एक जना फरार प्रतिवादीलाई कतारबाट पक्राउ गरी सोमबार काठमाडौं ल्याइएको छ । 

पक्राउ गरी काठमाडौं ल्याइएकामा सिरहा बिष्णुपुर गाउँपालिका–५ लक्ष्मीपुरका ४१ वर्षीय विक्की मुस्कान भन्ने भोगेन्द्र प्रसाद यादव छन् । उनलाई घटनाको ६ वर्षपछि कतारबाट पक्राउ गरी नेपाल ल्याइएको हो ।

आफ्नै २५ वर्षीया श्रीमती आरती परियारको धारिलो हतियारले घाँटी रेटी हत्या गरे पश्चात उनी फरार रहेको प्रहरीले जनाएको छ । 

भोगेन्द्रलाई कतारमा पक्राउ परेपश्चात प्रहरी प्रधान कार्यालय ईन्टरपोल शाखाले ईन्टरपोल दोहा कतारसँग समन्वय गरी नेपाल ल्याई त्रिभुवन अन्तर्राष्ट्रिय विमानस्थलबाट नियन्त्रणमा लिएको हो ।

ललितपुर लेलेमा २०७२ वैशाख १५ गते बिहान आरतीको हत्या गरिएको अवस्थामा शव फेला परेको थियो । घटनापश्चात वैदेशिक रोजगारीको सिलसिलामा उनी कतार गएका थिए । 

भोगेन्द्रविरुद्ध अन्तर्राष्ट्रियस्तरमा खोजतलास र पक्राउको लागि महानगरीय अपराध महाशाखाको अनुरोधमा २०७६ पुस १२ गते ईन्टरपोल महासचिवालयबाट ‘डिफ्यूजन’ नोटिस जारी गरिएको थियो । २०७७ साउन १९ गते उनको नाममा ‘रेड नोटिस’ जारी गरिएको थियो ।

यादवलाई थप अनुसन्धान तथा आवश्यक कानुनी कारबाहीका लागि महानगरीय अपराध महाशाखामा बुझाइएकोमा इन्टरपोल शाखाले जनाएको छ ।

images
प्रकाशित मिति :फाल्गुण २४, २०७८ मंगलवार - २२:५६:५४ बजे

इच्छाकामना न्युज

इच्छाकामना ब्रोडकाष्टिङ मिडिया प्रा. लि. द्वारा संचालित डिजिटल अनलाईन पत्रिका इच्छाकामना न्युज डटकम २०७४ साल जेठ देखि संचालनमा रहेको नेपाली भाषाको अनलाईन न्युज पोर्टल हो। ‘अब गाउँको खबर विश्वभर...’ भन्ने अभियानका साथ संचालित इच्छाकामना न्युज अनलाईन चितवनको इच्छाकामना गाउँपालिकाबाट संचालित पहिलो अनलाईन पनि हो। विशेष गरेर चितवनको इच्छाकामना गाउँपालिका सहित आसपासका स्थानीय तहहरु गोरखाको शहिद लखन र गण्डकी, तनहुँको आँबुखैरेनी र देवघाटका साथै धादिङको बेनिघाट रोराङ गाउँपालिकाको स्थानीय सरकारका गतिविधिका साथै विकास निर्माण, सुरक्षा, अपराध, कृषी, पर्यटन, सडक, विज्ञान–प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचारहरु हामी प्राथमिकताका साथ प्रकाशन गर्ने गर्छौ।

सम्बन्धित समाचार
images
images

Copyright © All right reserved to ichchhakamananews Site By: SobizTrend Technology