- आइतवार, कार्तिक २३ गते २०८३
TRENDING
नारायणगढ । १४औँ चितवन महोत्सव अन्तर्गत ‘मेड इन नेपाल’ एक्स्पोको तयारी पुरा भएको छ। युवा उद्यमी मञ्च चितवन च्याप्टरले चितवन महोत्सवको मुख्य गेटनजिक एक्स्पोको आयोजना गरेको छ। यहाँ नेपालमा उत्पादित वस्तु मात्रै प्रदर्शन गरिएको छ।
एक्स्पोको भोलि (मंगलबार) बिहान ११ बजे आधिकारिकरुपमा उद्घाटन गरिँदै छ। भरतपुर महानगरपालिकाका उपमेयर चित्रसेन अधिकारीले एक्स्पोको उद्घाटन गर्नेछन्। ४० वटा स्टल रहेको एक्स्पोको सोमबार चितवन महोत्सवको उद्घाटन पश्चात भरतपुर महानगरपालिकाकी मेयर रेनु दाहाल, नेपाल उद्योग वाणिज्य महासंघका उपाध्यक्ष दिनेश श्रेष्ठलगायतले निरीक्षण गरेका थिए।
एक्स्पोमा सबै प्रदर्शक आइसकेको युवा उद्यमी मञ्च चितवन च्याप्टरका अध्यक्ष सूर्यभक्त अधिकारीले जानकारी दिए। एक्स्पोमा युवा उद्यमीहरु बीच ‘बिजनेश आइडिया’को विषयमा प्रतिस्पर्धा पनि हुने छ। उत्कृष्ट कार्य योजना पेश गर्ने उद्यमीलाई एक लाख रुपैयाँ राशिको पुरस्कारले पुरस्कृत गरिने उनले बताए।
‘नेपाली उत्पादनको प्रवर्द्धन गर्ने उद्धेश्यले छुट्टै एक्स्पो गरिएको हो’, उनले भने, ‘नयाँ उद्यम गर्न चाहनेले पनि यहाँबाट विभिन्न आइडिया लिन सक्नुहुन्छ। स्टार्ट अप १० उद्यमीले एक्स्पोमा स्टल राख्नुभएको छ।’
महोत्सव आयोजक उद्योग वाणिज्य संघ चितवनले पनि महोत्सवमा ‘मेड इन नेपाल’ एक्स्पोलाई आकर्षणको रहने उल्लेख गरेको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
