बाआमा हाम्रा लागि विश्वविद्यालय हो : मन्त्री कृष्ण सिलवाल

इच्छाकामना न्युज

२१, आश्विन २०८१

बाआमा हाम्रा लागि विश्वविद्यालय हो : मन्त्री कृष्ण सिलवाल

चितवन । कार्यक्रममा प्रमुखअतिथिको रुपमा उपस्थित भएका बागमती प्रदेशसभाका वन तथा वातावरणमन्त्री कृष्णप्रसाद सिलवालले समाज रुपान्तरणका लागि वृद्ध बाआमाको अनुभव सबैभन्दा मह¤वपूर्ण विषय भएको बताए । आइतबार चितवनको भरतपुर ११ स्थित बसेनीमा ज्येष्ठ नागरिक संघले आयोजना गरेको एक कार्यक्रमलाई प्रमुख अतिथिको रुपमा सम्बोन्धन गर्दै उनले यस्तो बताएको हो । ‘बाआमा भनेका समाजका लागि विश्वविद्यालय हुन्’, उनले भने, ‘उहाँहरुसँग जीवनभरको सीप, ज्ञान र अनुभव छ ।’

बाआमासँग भएको अनुभवलाई पुस्तान्तरण गर्न सके समाज रुपान्तरणमा ठूलो टेवा पुग्ने मन्त्री सिलवालले बताए । सन्तानले पनि आफ्ना अभिभावकलाई भगवान्को रुपमा पुज्ने वातावरण सिर्जना गर्न सुझाव दिए । ‘सरकारले गर्नुपर्ने काम संघले गरेको छ’, उनले भने, ‘अब तपाईंहरुको साथमा हामी छौँ ।’

मन्त्री सिलवालले ज्येष्ठ नागरिकका लागि आवश्यक पार्क निर्माण गरिदिने बचनसमेत दिएका छन् । ‘यसवर्षको बजेटमा के–कसरी काम गर्न सकिन्छ हेर्छु । अर्को वर्षको बजेटमा समावेशी तरिकाले समेटिने गरी बजेटको व्यवस्था मिलाउँछु’, उनले भने, ‘किनकि ज्येष्ठ नागरिकले तीनै तहको सरकारलाई नागरिकप्रति पूर्ण जिम्मेवार बन्न सिकाउँछ ।’ कार्यक्रम सकिएपछि मन्त्री सिलवालले ज्येष्ठ नागरिकको बहुउद्देश्यीय भवन रहेको जग्गाको निरीक्षणसमेत गरेका थिए ।