प्रकाश गुरुङ तनहुँ जिल्लाको आँबुखैरेनी गाउँपालिका वडा नं. ६ का स्थायीवासी हुन् । उच्च शिक्षा अध्ययनका लागि काठमाडौँ लागेका उनी सन् २०१४ देखि ¥याफ्टिङ र ट्रेकिङ पेशामा आवद्ध भए । एक वर्षपछि सन् २०१५ मा पर्वतारोहणसम्बन्धी प्रशिक्षण लिन थाले । त्यसपछि उनले पर्वतारोहण क्षेत्रलाई नै जीवन धकेल्ने पेसाको रूपमा अङ्गाल्न थाले । 

पर्वतारोहणको प्रशिक्षण सकिएपश्चात माउन्टेन गाइडको काम सुरु गरेका उनले अहिलेसम्म थुप्रे हिमालका चुचुरा चुमिसकेका छन् । साना–ठूला गरी आठ हजार मिटरभन्दा अग्ला हिमालहरुको सफल आरोहण गरिसकेका प्रकाशले मनास्लु र विश्वकै सर्वोच्च शिखर सगरमाथामा समेत पाइला राखिसकेका छन् । 

उनको सगरमाथा आरोहणसँगै आँबुखैरेनीको मात्र नभई तनहुँ जिल्लाकै पहिलो सगरमाथा आरोहीको रुपमा उनले आफ्नो नाम दर्ज गरेका छन् । सुरुवातका दिनमा शेर्पा समुदायको वर्चस्व रहेको पर्वतारोहण पेशामा धेरथोर कठिनाइ झेल्दै आएका उनी हाल प्रतिष्ठित पर्वतारोहण गाइड बन्न पुगेका छन् । 

जीवनलाई नै जोखिममा राखेर देशको पर्यटन प्रवद्र्धनमा सेवा गरिरहेका उनी आँबुखैरेनीलाई पनि पर्यटनको हब बनाउन सक्ने धारणा राख्छन् । उचित प्रवद्र्धन र पूर्वाधार विकास योजनाले आँबुखैरेनीको पर्यटनलाई समृद्धि बनाउन सकिने उनको बुझाइ छ । 

कालन्तरसम्म पनि यही पेसामा रमाउने योजना बनाएका उनी पर्यटन प्रवद्र्धनबाटै देशलाई आर्थिक विकासको बाटोतर्फ डो¥याउन सकिने बताउँछन् । पर्वतारोहण क्षेत्रमा इन्स्ट्रक्टरसम्म रहेका उनी गाउँले दाजुभाइहरुले यस क्षेत्रमा इच्छा राखे सबैकुरा जानकारी गराउँछन् । 

आफ्नो जीवनलाई नै दाउमा राखेर देशको पर्यटन क्षेत्रमा लागेका उनले अप्रत्यक्षरुपमा नेपाललाई विश्वसामु चिनाउँदै आइरहेका छन् । आँबुखैरेनीको पहिचानलाई देश दुनियाँमा स्थापित गराउन सफल भएकोमा उच्च मूल्याङ्कन गर्दै इच्छाकामना न्युज डटकमले संस्थाको सातौँ वार्षिकोत्सवको अवसरमा ‘इच्छाकामना न्युज सम्मान–२०८१ बाट सम्मान गर्न पाउँदा गर्वको महसुस गरेका छौँ ।