- बिहिवार, श्रावण २८ गते २०८३
TRENDING
घैरुङ, ६ फागुन । गोरखाको शहिद लखन गाउँपालिकाको आठौँ गाउँसभा सम्पन्न भएको छ। गाउँपालिकाका अध्यक्ष रमेशबाबु थापा मगरको अध्यक्षतामा आज आठौ गाउँसभा सम्पन्न भएको हो।
आज सम्पन्न गाउँसभाले ५ वटा विभिन्न ऐन र स्थानीय पाठ्क्रम स्वीकृत गरेको गाउँपालिकाका प्रमुख प्रशासकीय अधिकृत जीवन आले मगरले जानकारी दिनुभयो। उहाँका अनुसार गाउँसभाले जुवा –नियन्त्रण तथा नियमन) ऐन २०७७, मदिरा (नियन्त्रण, व्यवस्थापन तथा नियमन) ऐन २०७७, जलस्रोत ऐन २०७७, वन ऐन २०७७, शिक्षा ऐन २०७५ (पहिलो संसोधन २०७७), स्वास्थ्य ऐन २०७५ (पहिलो संसोधन २०७७), गरी ५ वटा समसामयीक र आवश्यक ऐनहरु स्वीकृत गरेको छ।
यस्तै आजैको गाउँसभाले गाउँपालिकाले तयार पारेको कक्षा १, २ र ३ को स्थानीय पाठ्यक्रम समेत स्वीकृत गरेको छ। योसँगै गाउँपालिकाले अब गाउँपालिका भित्रका स्थानीय विद्यालयमा स्थानीय पाठ्यक्रम लागु गर्न सक्ने भएको छ। गाउँपालिकाले निर्माण गरेको पाठ्यक्रममा ऐतिहासिक, साँस्कृतिक, प्राकृतिक, सम्पदा तथा क्षेत्रहरुको परिचय, स्थानीय जनजीवन, पेशा व्यवसाय, सामाजिक मूल्य मान्यता र प्रकोप तथा विपद् व्यवस्थापन लगायतका विषय क्षेत्रहरु समावेश गरिएका छन्।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
