काठमाडौँ । लामिन यामलको दुईगोल सहयोगमा फ्रान्समाथि रोमाञ्चक जित निकाल्दै स्पेन यूईएफए नेसन्स लिगको फाइनलमा पुगेको छ। 

बिहीबार राति भएको सेमिफाइनलमा फ्रान्सलाई ५-४ गोलअन्तरले हराउँदै स्पेन उपाधि नजिक पुगेको हो। 

९ गोल भएको रोमाञ्चक सेमिफाइनलमा अन्तत स्पेनले बाजी मारेको हो। स्पेन अब उपाधिका लािग पोर्चुगलसँग भिड्नेछ। उपाधि भिडन्त आइतबार म्युनिखमा हुनेछ। 

पराजित भएको फ्रान्सले तेस्रो स्थानका लागि जर्मनीको सामना गर्नेछ।
 
यो सिजन विश्वको उत्कृष्ट बालोन डीओर जित्ने दावेदार मध्यका एक १७ वर्षिय फरवार्ड यामलले फ्रान्समाथि ४-० को अग्रता दिलाउन सहयोग गरे। उनकै गोलमा स्पेनले फ्रान्समाथि ५–१ को अग्रता बनाएको थियो। 

पहिलो हाफको २२ औँ मिनेटमा निको विलियम्सको गोलमा स्पेनले सुरुवाती अग्रता बनाएको थियो। 

मिकेल ओयारजवालको पासमा विलियम्सले स्पेनलाई सुरुवाती अग्रता दिलाए। खेलको २५ औँ मिनेटमा ओयारजवालकै पासमा मिकेल मारिनोले गोल गर्दै टोलीको अग्रता दोब्बर पारे। 

पहिलो हाफमा नै एड्रियन राबियोटले यामललाई फाउल गरेपछि उनले पेनाल्टी मौका पाएका थिए। खेलको ५४ औँ मिनेटमा यामलको पेनाल्टीमा स्पेनले फ्रान्समाथिको अग्रता ३–० ले बनायो। 

खेलको ५५ औँ मिनेटमा निको विलियम्सको पासमा पेड्रीले गोल गर्दै स्पेनलाई ४–० को अग्रता दिलाए। 

पहिलो हाफमा नै फराकिलो अन्तरले पछि परेको फ्रान्स दोस्रो हाफमा खेलमा फर्कने संकेत गरेको थियो। खेलको ५९ औँ मिनेटमा केलियन एमबाप्पेले पेनाल्टीमा गोल गर्दै फ्रान्सका लागि गोल फर्काएका थिए। 

तर ६७ औँ यामलले व्यक्तीगत दोस्रो गोल गर्दै स्पेनलाई ५–१ को अवस्थामा ल्याए। 

वैकल्पिक खेलाडीको रुपमा मैदान छिरेका रायन चेर्कीले आफ्नो अन्तराष्ट्रिय डेब्यु खेलमा नै गोल गरे। उनले एम्बाप्पेको पासमा २० यार्डबाट भली प्रहार गर्दै फ्रान्सलाई ५–२ को अवस्थामा ल्याए।
 
खेल सकिन ६ मिनेट बाँकी रहँदा अर्थात ८४ औँ मिनेटमा डानी भिभियनले आफ्नै पोष्टमा आत्मघाति गोल गर्न पुगे। 

इन्ज्युरी समयको तेस्रो मिनेटमा रान्डल कोलो मुआनीले चेर्कीको क्रसमा हेडर गोल गर्दै फ्रान्सलाई ५–४ को अवस्थामा ल्याए। तर त्यसपछि गोल हुन नसक्दा फ्रान्स तेस्रो र चौथो स्थानका लागि खेल्ने भएको हो।