- बिहिवार, श्रावण २८ गते २०८३
TRENDING
देवघाट। तनहुँको देवघाट गाउँपालिका–५ निवासी तरकारी कृषक दिदीबहिनी धनमाया गुरुङ र रनमाया गुरुङ नारायणगढमा भेटिएको नगदसहितको पर्स वास्तविक धनीलाई इमानदारीपूर्वक फिर्ता गरेपछि सम्मानित भएका छन्।
दैनिकजसो देवघाटबाट तरकारी बिक्रीका लागि नारायणगढ पुग्ने उनीहरू पुल्चोकस्थित एक फेन्सी पसल अगाडि व्यापार गरिरहेका बेला एक ग्राहकको पर्स झुक्किएर तरकारीको बोराभित्र परेको थियो। व्यापार सकेर घर पुगेपछि बोरा खोल्दा उनीहरूले उक्त पर्स फेला पारे। पर्सभित्र २२ हजार २५० रुपैयाँ नगद तथा अन्य महत्वपूर्ण कागजात थिए। कागजातका आधारमा पर्स नवलपरासीको गैँडाकोट नगरपालिका निवासी छलिमाया तिवारीको रहेको पुष्टि भएपछि धनमाया र रनमायाले सामाजिक अभियन्ता अर्जुन भुसालको सहयोगमा पर्स सुरक्षित रूपमा सम्बन्धित धनीलाई फिर्ता गरेका हुन्।
खेतीपाती र तरकारी बिक्री गरेर जीविकोपार्जन गर्दै आएका धनमाया र रनमायाले आर्थिक अवस्था सामान्य भए पनि अरूको सम्पत्तिमा लोभ नगरी इमानदारीको उदाहरण प्रस्तुत गरेका छन्।
उनीहरूको यस प्रशंसनीय कार्यको चौतर्फी सराहना भइरहेको छ। पर्सभित्र रहेको नगद र महत्वपूर्ण कागजात सुरक्षित रूपमा फिर्ता पाएको खुसी व्यक्त गर्दै छलिमाया तिवारीले धनमाया गुरुङ र रनमाया गुरुङलाई जनही ५ हजार रुपैयाँ प्रदान गरी सम्मान गरेकी छन्।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
