- बुधवार, कार्तिक २६ गते २०८३
TRENDING
काठमाडौं । चाडपर्वलाई लक्षित गर्दै नारायणगढ–काठमाडौं सडकखण्डमा घटस्थापनादेखि पूर्णिमासम्म ट्रेलरलगायत ठूला सवारीसाधन सञ्चालनमा रोक लगाइने भएको छ।
यातायात व्यवस्था विभागमा मंगलबार बसेको सरोकारवालाको बैठकले असोज २५ गते घटस्थापनादेखि कात्तिक ८ गते पूर्णिमासम्म ठूला सवारीसाधन सञ्चालनमा रोक लगाउने निर्णय गरेको हो।
खाद्यान्न, औषधि, फलफूललगायत अत्यावश्यक सामग्री बोकेका सवारीसाधनलाई भने खुल्ला रहने छ। यस्तै, दशैंका लागि मध्यम तथा लामो दूरीका सार्वजनिक यातायातको अग्रिम टिकट बुकिङ असोज २३ गतेदेखि खुला गरिने भएको छ। घटस्थापनादेखि कात्तिक १० गतेसम्म लामो तथा मध्यम दूरीका सवारीसाधनको रुट परमिट खुला गरिएको छ।
बैठकले यात्रु सहायता कक्षको अनुगमनका लागि फोकल पर्सन खटाउने, नयाँ बसपार्क क्षेत्रमा मोबाइल नेटवर्क क्षमता बढाउने तथा रिजर्भमा जाने सवारीसाधन र यात्रुको विवरण अनिवार्य राख्ने निर्णय पनि गरेको छ।
दुर्घटना न्यूनीकरणका लागि सवारीसाधनको फिटनेस परीक्षण गर्न प्राविधिक कर्मचारी खटाउने निर्णयसमेत गरिएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
