चितवनको कुरिनटारमा ११९ जना सशस्त्र प्रहरी जवान दीक्षित

इच्छाकामना न्युज

२९, आश्विन २०८३

चितवनको कुरिनटारमा ११९ जना सशस्त्र प्रहरी जवान दीक्षित

चितवन । चितवनको कुरिनटारस्थित सशस्त्र प्रहरी बल,नेपाल विपद् व्यवस्थापन तालिम शिक्षालयमा सशस्त्र प्रहरी जवान आधारभूत तालिमको अन्तिम दीक्षान्त कवाज समारोह सम्पन्न भएको छ । समारोहमा ११९ जना सशस्त्र प्रहरी जवान दीक्षित भएका छन् ।

दीक्षान्त कवाज समारोहमा सशस्त्र प्रहरी नायव महानिरीक्षक राजेन्द्र खड्का प्रमुख अतिथिका रूपमा उपस्थित रहेका थिए । कार्यक्रममा इच्छाकामना गाउँपालिका अध्यक्ष दानबहादुर गुरुङ,सहिद लखन गाउँपालिका अध्यक्ष रमेशबाबु थापामगर, गण्डकी गाउँपालिका अध्यक्ष दीपक तिमिल्सिना ९साकार० र इच्छाकामना गाउँपालिका उपाध्यक्ष माया सिलवाल विशिष्ट अतिथिका रूपमा सहभागी थिए ।

त्यसैगरी नेपाल प्रहरी शिक्षालय भरतपुरका प्रमुख, नम्बर ३ गढीमाई बाहिनी मुख्यालयका सहायक बाहिनीपति, जिल्ला प्रहरी कार्यालय चितवनका प्रमुख, नयाँ सबुज गण भरतपुरका प्रमुख तथा इलाका प्रहरी कार्यालय मुग्लिङका प्रमुखलगायतको उपस्थिति रहेको थियो । समारोहमा सशस्त्र प्रहरी उपरीक्षक विकास घिमिरेले धन्यवाद मन्तव्य व्यक्त गरेका थिए ।

कार्यक्रममा इच्छाकामना गाउँपालिका(४ का वडाध्यक्ष रुद्रप्रसाद उप्रेती लगायत विभिन्न संघ संस्थाका प्रतिनिधिहरूको समेत उपस्थिति रहेको थियो । आधारभूत तालिम सफलतापूर्वक सम्पन्न गरी दीक्षित भएका जवानहरूले राष्ट्रसेवाका साथै विपद् व्यवस्थापन, खोज तथा उद्धार र विपद्का समयमा नागरिकको जीवन रक्षामा महत्वपूर्ण भूमिका निर्वाह गर्ने अपेक्षा गरिएको छ ।