- बुधवार, कार्तिक २६ गते २०८३
TRENDING
भुम्लिचोक, ३० असोज । गोरखाको गण्डकी गाउँपालिकाले दशैं मान्न गाउँ आउनेलाई १४ दिन घरमै क्वारेन्टाइन बस्न आग्रह गरेको छ। बिहिबार एक प्रेस नोट जारी गर्दै गाउँपालिकाले जिल्ला बाहिरबाट दशैं मान्न गाउँ आउनेहरुलाई यस्तो आग्रह गरेको हो। चाडवाड नजिकिदैँ गर्दा मानिसहरुको आवागमन बढ्ने र जिल्ला बाहिर भएकाहरु घर फर्कदाँ कोरोना भाइरस (कोभिड–१९) को संक्रमण फैलन सक्ने अवस्थालाई मध्यनजर गर्दै गाउँपालिकाले १४ दिन क्वारेन्टिनमा बस्न आग्रह गरेको जारी प्रेस नोटमा उल्लेख गरिएको छ।
प्रेस नोटमा गाउँपालिकाले संक्रमण बढीरहेको बेला सकेसम्म जहाँ छ त्यही बसेर दशैँ मनाउन पनि अनुरोध गरेको छ। अति आवस्यक काम बाहेक अन्य समयमा बाहिर हिँडडुल नगर्न र होम क्वारेन्टिनमा रहदाँ स्वास्थ्य समस्या आएमा गाउँपालिका अध्यक्ष, स्वास्थ्य शाखा संयोजक वडाध्यक्ष लगायत जनप्रतिनिधिहरुलाई सम्पर्क गर्न समेत अनुरोध गरिएको छ।
साथै गाउँपालिकाले चाड पर्व मनाउदाँ पारिवारिक रुपमा आफ्नो घरमा सिमित रही सुरक्षित तवरले मनाउन र खेलकुद, जात्रा, मेला लगायत कुनै पनि किसमिका धार्मिक, सांस्कृतिक तथा राजनैतिक कार्यक्रमहरु आयोजना नगर्न समेत अनुरोध गरेको छ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
