आँबुखैरेनी,२३ कात्तिक । तनहुँको आँबुखैरेनी गाउँपालिका–२ एक्लेफाँटमा आइतबार मोटरसाइकल अनियन्त्रित भई रुखमा ठोक्किदा दुई जना घाइते भएका छन्। आँबुखैरेनीबाट डुम्रेतर्फ आउँदै गरेको बा ८२ प ३३६५ नम्बरको मोटरसाइकल सोही दिशाबाट आइरहेको ग १ ख ४०९१ नं को बसलाई ओभरटेक गर्न खोज्दा दुर्घटना भएको हो।
घाइते हुनेमा मोटरसाइकल चालक आँबुखैरेनी गाउँपालिका–४ बस्ने ३० वर्षीय भरत गुरुङ र पछाडि सवार गोरखा गण्डकी गाउँपालिका–६ बस्ने सुरज गुरुङ रहेको प्रहरीले जनाएको छ । घाइते दुवैको आँबुखैरेनी हाडजोर्नी हस्पिटलमा उपचार भइरहेको छ ।