आँबुखैरेनी, १५ माघ । परिश्रम गर्न सके गाउँकै माटोमा सुन फलाउन सकिन्छ भन्ने नेपाली उखानलाई चरितार्थ गरेका छन् तनहुँ आँबुखैरेनी गाउँपालिका ४ आमडाडाँबेसीका कृषक कुमार गुरुङले । उनले गाउँमै सिजनको बेलामा व्यावसायीक रुपमा काक्रो खेती गरेर वर्षेनी लाखौ रुपैयाँ कमाउदै आएका छन् । 

न पर्याप्त सिंचाई छ, न आवश्यक आधुनिक प्रविधी र ज्ञान, न सहज बजारको पहुँच तै पनि उनको इच्छाशक्ति र मेहनतले काक्रो खेतीबाटै राम्रै आम्दानी गर्न सफल भएका छन् । वर्षेनी उत्पादन बढाउदै लगेका उनले गत वर्षमात्रै काक्रोबाट ५ लाख रुपैयाँ भन्दा बढि आम्दानी गरे। ‘सबै गरेर ५ लाख जति कमाईयो होला’ –उनले भने।

गत वर्ष ५ रोपनी क्षेत्रफलको जग्गामा मात्र लगाईएको काक्रो खेती यसवर्ष उनले बढाएर ११ रोपनीमा लगाएका छन् । यो वर्ष सबै सोचेजस्तो भयो र भाउ राम्रो पायो भने १० लाख भन्दा बढि कमाइने कुषक गुरुङले बताए । 

करिब ४ वर्ष अघि उनले गाउँमा काक्रोको व्यावसायीक खेती सुरु गर्दा होला र ? भन्नेहरु धेरै थिए । तर आज उनकै सिको गर्दै काक्रो खेती गर्नेहरु बढेका छन् । अहिले उनको गाउँका डेढ दर्जन कृषकहरुले व्यावसायिक काक्रो खेती थालेका छन् । यसले आफुलाई खुशी लागेको उनले बताए ।

कुराकानीको क्रममा व्यावसायिक काक्रो खेती गर्दै गर्दा सरकारी निकायबाट भने कुनै सहयोग नपाईएको पनि उनले बताए । ‘किसानलाई सरकारले अनुदान दिन्छ भनेको त सुनेको हो खै काँ पाउछ मलाई चाही थाहा भएन’ –उनले भने ।

यस्तै उत्पादन बढाउन सकिए पनि यातायातको असहजताको कारण उत्पादित सामाग्री बेलैमा बजारसम्म पु¥याउन कठिन भएको उनले बताए । उनको गाउँमा मोटरबाटो आईपुगेको छैन । 

यसकारण उत्पादित काक्रो उनले भरिया लगाएर डोकोमा बोकीआधा घण्टाभन्दा बढि हिडेर झोलुङ्गे पुल भएको ठाउँमा पु¥याई त्यहाँबाट त्रिशुली नदि माथिको झोलुङ्गे पुल तरि चितवनतर्फ मुग्लिन–नारायणगढ सडकखण्डको पाँचकिलो पु¥याउनुपर्छ । त्यसपछि इच्छाकामना गाउँपालिकाको मुख्य तरकारी बजार फिस्लिङ्ग पु¥याएर बेच्नुपर्छ यसकारण उनले उत्पादन गरेको काक्रोको बारीबाट बजारमा पु¥याउदाँ ढुवानी लागत बढि तिर्नुपरेको गुनासो गरे । 

स्थानीय सरकारले बजारीकरणमा सहज गरिदिए अझ राम्रो आम्दानी गर्न सकिने उनले बताए ।