- मंगलवार, आश्विन १३ गते २०८३
TRENDING
विदुर खवास, धनकुटा, १ चैत । बर्खे झरी, हिउँदको चिसो र बेमौसमा पनि राम्रो उत्पादन लिन सकिने भएपछि धनकुटाका किसान टनेल खेतीमा आकर्षित भएका छन् । फरकफरक हावापानीमा फलफूल र तरकारी खेतीका लागि टनेल प्रविधि उपयोगी हुने किसानहरूको अनुभव छ ।
धनकुटाको मजुवाका मेघबहादुर खड््काले एकहजार नौ सय मिटरको उचाइमा बेमौसमी काँक्रा फलाउनुभयो । १७ सय मिटर उचाइको पात्ले गाउँमा गोपाल वाग्लेले टनेलभित्र बैमौसमी गोलभेँडा फलाउनुभएको छ । यसबाट आम्दानी पनि राम्रै भएको उहाँको भनाइ छ ।
सेउलेकी राधा राई र सान्ताङका अमर याखाले पनि तरकारी खेति र फलफूल नर्सरीका लागि टनेलको प्रयोग गरिरहनु भएको छ । ग्रीन हाउस र टनेल प्रविधिको प्रयोगबाट फलफूल र तरकारीले राम्रो आम्दानी दिएको उहाँहरूले बताउनुभयो ।
जाली घर र टनेल प्रविधिबाट खेती गर्दा शत्रुकिरा, पुतली र ढुसीजन्य रोगको सङ्क्रमणबाट तरकारी र फलफूल बाली जोगाउन सकिन्छ । गोडमेल, मलखाद तथा तापक्रम व्यवस्थापनमा पनि यसले सहयोग गर्ने गरेको कृषि प्राविधिक सूर्य सापकोटाको भनाइ छ । फलाम र बाँसको सहायतामा प्लाष्टिक अनि जाली प्रयोग गरेर टनेल बनाउन सकिन्छ ।
एउटा टनेल बनाउन सामान्यतया एक लाख रुपैयाँ लाग्छ र यसले पाँच वर्षसम्म थेग्छ । टनेलभित्रको खेतिबाट एकवर्षमा तीन बाली लिन सकिन्छ । कृषि ज्ञान केन्द्र धनकुटाका अनुसार धनकुटामा अहिले टनेल खेतीमा लागेका किसानको सङ्ख्या १ हजार ७ सय ७६ छ ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
