जलविरे, १५ बैशाख । चितवनको एक मात्र गाउँपालिका इच्छाकामना वडा नम्बर ६ का वडाध्यक्ष उम्मेद्वार विराज गुरुङले जनताको सेवक भएर काम गर्ने बताएका छन् । सत्ता गठबन्धनबाट उम्मेद्वारी दिएका कांग्रेसका यूवा नेता गुरुङले समग्र वडाकोे विकास गर्दै जनताको सेवा गर्ने अवसर यहाँको जनताहरुले प्रदान गर्नेमा विश्वास व्यक्त गर्दै सेवक बनेर काम गर्ने बताएका हुन् ।
उनले यहाँको जनताको सेवामा निरन्तर लागिरहेकोले एक पटक वडाध्यक्षमा विजयी गराई थप काम गर्ने अवसर दिनेमा विश्वास व्यक्त गरे। घरदैलोमा रहेका गुरुङले यस पटक आफुलाई मतदान गरि विजयी गराउने आश्वासन पाएको बताए।
निर्वाचित भइसकेपछि यहाँको जनताको आवश्यकता र चाहना अनुसार काम गर्ने बताए।