अमरराज नहर्की, तनहुँ । तनहुँ, कात्तिक २४ गते । नेपाली कांग्रेसका वरिष्ठ नेता तथा तनहुँ–१ बाट प्रतिनिधी सभा सदस्यमा बाम लोकतान्त्रिक गठबन्धनका उम्मेदवार रामचन्द्र पौडेल विकास अलपत्र परेकाले उम्मेदवार बनेको बताउनुभयो । 

भानु नगरपालिका–१२ ओख्लेमा आयोजित चुनावी सभालाई सम्बोधन गर्दै नेता पौडेलले तनहुँमा २०७४ को चुनाव हारेपछि यहाँको विकास अलपत्र परेको बताउनुभयो  । ‘अलपत्र परेको विकासलाई गति लिन म उम्मेदवार बनेको हुँ नेता पौडेलले भन्नुभयो गठबन्धन सरकार बनाएर अघि बढेपछि तनहुँको विकास पुनः जुर्मुराएको छ’ ।

बुद्धसिंह मार्ग कालोपत्रे गर्न ४६ करोडको टेन्डर भइ काम सुरु भएको उहाँले बताउनुभयो । मादी मस्र्यांग्दी सडक र शालीग्राम मार्गका लागि ४०/४० करोडको बजेट निकासा भइ काम सुरु हुन लागेको पौडेललको भनाई थियो  । क्यामिन मार्ग, कालीमाटी–कुन्छा सडक, दमौली–केशवटार सडक लगायत दसौं सडक कालोपत्रे गर्न ठेक्का, टेन्डर समेत भइरहेका छन् । व्यास ३ र ५ जोड्ने पुल र कलेस्ती चिन्टुटार सारंघाट–सुन्तलामार्ग मोटरेवल पुल निर्माण हुन गइरहेको पौडेलले बताउनुभयो ।

त्यस्तै, चुँदी जलजले, दिउल खोला, जीताको खहरे आदिमा पनि मोटरेवल पुल निर्माण योजना आफ्नै पहलमा स्वीकृत भएको पौडेलले बताउनुभयो । कृषि क्रान्तिको क्षेत्रमा पशुपालन, तरकारी, फलफूल, खेती तथा मत्स्यपालनलाई आधुनिक र व्यवसायिक ढाँचामा अघि बढाउन उम्मेदवार बनेको उहाँको भनाई थियो  ।

’‘मसँग सपनाहरु छन्, योजनाहरू छन् र संकल्प र अठोट छ– नेपाललाई सुशासन दिने सम्पन्नता दिने र तनहुँलाइ चौतर्फी विकासको नमूना जिल्ला बनाउने’ नेता पौडेलले भन्नुभयो । देशमा व्यवस्था परिवर्तन भयो, अवस्था परिवर्तन नभएको उहाँको भनाई थियो । जनतामा व्याप्त निराशा हटाउन यहाँ सुशासनको खाँचो  भएको पौडेलले बताउनुभयो । सुशासन दिने नैतिक सामथ्र्य मैले बचाएर राखेको पौडेलले बताउनुभयो ।

‘बहुदल आएपछिका दिनहरुमा गाउँ–गाउँमा अधुनिक सुविधाका पूर्वाधारहरु पुर्याएका छांै पौडेलले भन्नुभयोय  ती कति अधुरा छन्, अपूर्ण छन्  तिनलाई पूरा गर्नु छ, स्तरोन्नति गर्नुछ । आगामी पाँच वर्षमा एउटा उल्लेखनीय प्रगति हुनेछ– सबै गाउँमा कालोपत्रे सडक पुर्याइने नेता पौडेलले दाबी गर्नुभयो । नेता पौडेलले बिहीबार भानु नगरपालिका विभिन्न वडाहरुमा मतदातासँग भेटघाट गर्नु भएको छ ।