इच्छाकामनाको चण्डिभञ्ज्याङ्गमा तमू प्ये ल्हु संघ चितवनको नयाँ इकाई समिति गठन, अध्यक्षमा होम गुरुङ

इच्छाकामना न्युज

१३, कार्तिक २०८०

इच्छाकामनाको चण्डिभञ्ज्याङ्गमा तमू प्ये ल्हु संघ चितवनको नयाँ इकाई समिति गठन, अध्यक्षमा होम गुरुङ

चण्डिभञ्ज्याङ्ग । गुरुङ समुदायको मौलिक धर्म, संस्कार, संस्कृतिको संरक्षण सम्वद्र्धनका स्थापित संस्था तमू प्ये ल्हु संघ चितवनले इच्छाकामना गाउँपालिकाको चण्डिभञ्ज्याङ्गमा नयाँ इकाई समिति गठन गरेको छ । गाउँपालिकाको वडा नं. ६ स्थित सौरबिसौना गाउँमा आज एक कार्यक्रमको आयोजना गरि संघले इकाई समिति गठन गरेको हो ।

संघले ३० औं गाउँ इकाई समितिको रुपमा साविकको चण्डिभञ्ज्याङ्ग गाविस अन्तर्गत रहेको मस्राङ, बेसडाँडा, ढाला, थामडाँडा, सौरबिसौना र टोड्के गाउँलाई समेटेर १ सदस्य पछि थप गर्ने गरि ९ सदस्यीय तमू प्ये ल्हु संघ सुनचरी इकाई समिति गठन गरेको हो ।

नवगठित समितिको अध्यक्षमा होम बहादुर गुरुङ, उपाध्यक्षमा सन्त बहादुर गुरुङ, सचिवमा लोक बहादुर गुरुङ, सह–सचिवमा सत्यलाल गुरुङ, कोषाध्यक्षमा गोरीमाया गुरुङलाई चयन गरेको यस्तै सदस्यहरुमा कमला गुरुङ, तिल गुरुङ र भिम बहादुर गुरुङ रहेका छन् ।

इकाई समिति गठन कार्यक्रमको सभापति संघका चितवन अध्यक्ष बिक्रम गुरुङ रहेका थिए भने प्रमुख अतिथि संघका चितवन जिल्ला सल्लाहकार समितिका अध्यक्ष भिम बहादुर गुरुङ रहेको थिए ।

यस्तै कार्यक्रममा संघका महिला समिति उपाध्यक्ष पूर्णीमाया गुरुङ, जिल्ला युवा समितिका अध्यक्ष राजिव गुरुङ लगायत संघका विभिन्न पदाधिकारी तथा सदस्यहरुका साथै स्थानीय गुरुङ समुदायको उल्लेखनीय उपस्थिति रहेको थियो ।