आँबुखैरेनी, १६ पुस । तनहुँको आँबुखैरेनी गाउँपालिका भित्र रहेका गुरुङ समुदायले सोमबार तमु ल्होसार–२०८१ भव्य रुपले मनाएका छन । आँबुखैरेनी–३, शिवालय मन्दिर र गुम्बाको प्राङ्गणमा वडा १ देखि ६ सम्मका तमु समाज, सबै टोल बस्तिका गुरुङ समुदायहरु एकै ठाउँमा भेला भएर तमु ल्होसार पर्व भव्य रुपले मनाएका हुन ।
तमु समुदायको मौलिक पहिरन, कला संस्कृती झल्किने भेषभुषा सहितको ¥याली आँबुखैरेनी मिलनचोकबाट सुरु भई कार्यक्रम स्थल शिवालय मन्दिर र गुम्बाको प्राङ्गणमा पुगि सांस्कृतिक कार्यक्रम सुरु भएको थियो । तमु ह्युल छोंज दी (गुरुङ्ग राष्ट्रिय परिषद) आँबुखैरेनी इकाई समितीको आयोजनामा आयोजित उक्त कार्यक्रममा तमु समुदायको मौलिक पहिरन, कला संस्कृती झल्किने विविध साँस्कृतिक नृत्य प्रस्तुत गरिएको थियो ।
साथै, आँबुखैरेनी बौंद्ध गुम्बामा लामा गुरुबाट ग्रह फाल्ने र ग्याप्री गुरुबाट रिपु धागो लगाउने तथा गुम्बाका लम श्री रप्तेन लम गुरुङ्ग, तमु खेगी पच्यु गुरु दिपक तमु, खेगी घ्याप्रि गुरु पृथ बहादुर तमुद्धारा शुभकामना आशिर्वाद श्लोगन प्रस्तुत गरिएको थियो ।
तमु ह्युल छोंज दी (गुरुङ्ग राष्ट्रिय परिषद) आँबुखैरेनी इकाई समितीका अध्यक्ष पूर्ण बहादुर गुरुङको सभापतित्व तथा तमु ह्युल छोंज दी (गुरुङ्ग राष्ट्रिय परिषद) केन्द्रिय सदस्य हिमाल तमुको प्रमुख आथित्यतामा आयोजित कार्यक्रममा आँबुखैरेनी गाउँपालिका वडा नं. १ का वडाध्यक्ष प्रेम बहादुर तमु, आँबुखैरेनी गाउँपालिका निवर्तमान अध्यक्ष गिर बहादुर थापा, नेपाल आदीवासी जनजाती आँबुखैरेनी गाउँ कार्य समितीका पुर्व अध्यक्ष एवंम वडा नं. ४ का वडाध्यक्ष मिलन भूजेल, तमु ह्युल छोंज दी (गुरुङ्ग राष्ट्रिय परिषद) आँबुखैरेनी इकाई समितीका निवर्तमा अध्यक्ष काजी कुमार तमु, इलाका प्रहरी कार्यालय आँबुखैरेनीका प्रमुख टेक प्रसाद सुवेदी, बौंद्ध सदन आँबुखैरेनी गुम्बाका अध्यक्ष कृष्णमान तामाङ्ग, आँबुखैरेनी संस्कृती संरक्षण मञ्चका अध्यक्ष मनोजकुमार श्रेष्ठ, नेपाल मगर संघ आँबुखैरेनी इकाई समितीका अध्यक्ष कटक बहादुर थापा लगाएतकाले मन्तव्य राख्नुभएको तमु ह्युल छोंज दी (गुरुङ्ग राष्ट्रिय परिषद) आँबुखैरेनी इकाई समितीका सदस्य पृथ्वी बहादुर गुरुङले जानकारी दिए ।
.png)
