रोजगारी अभिवृद्धि गर्ने बारेमा सरोकारवाला निकायसँग छलफल

सिआईएन

७, फाल्गुण २०७७

रोजगारी अभिवृद्धि गर्ने बारेमा सरोकारवाला निकायसँग छलफल

रुपन्देही, ७ फागुन । रुपन्देही उद्योग संघले जिल्लाको औद्योगिक सम्भावनाको खोजी गर्ने, उद्यमशिलताको विकास गर्ने र रोजगारी अभिवृद्धि गर्ने बारेमा सरोकारवाला निकायसँग छलफल गरेको छ । जिल्लाका सबै स्थानीय तहमा अन्तरक्रियाको आयोजना गर्ने अभियान थालेकोसंघले देवदह नगरपालिका सँग अन्तरक्र्रिया गरेको हो ।
कार्यक्रमको उद्देश्यमाथि प्रकाश पार्नु हुँदै रुपन्देही उद्योग संघका अध्यक्ष बाबुराम बोहोराले स्थानीय सरकारको सक्रियताले मात्रै उद्यमशिलताको विकास, पर्यटन प्रवद्र्धन, कृषिको व्यवसायीकरण र रोजगारी अभिबृद्धि हुन सक्ने हुँदा स्थानीय सरकारले औद्योगिक विकासलाई प्राथमिकतामा राख्नुपर्ने बताउनुभयोे । देवदह नगरपालिकाका प्रमुख हिराबहादुर खत्रीले देवदहका सबै खालका उ्रद्योगीहरुको हकहितको संरक्षण गर्दै हातेमालो गरेर अघि बढिरहेको जानकारी गराउनुभयो । उहाले आगामी दिनमा नयाँ खालका र सक्षम उद्योगहरुको विस्तार हुनुपर्नेमा जोड दिनु भएको थियो ।
नगरपालिकाका प्रमुख प्रशासकीय अधिकृत डिल्लीराज बेल्बासेले यस्ता खालका अन्तरक्र्रियाले स्थानीय सरकारलाई औद्योगिक विकासका निम्ति चलायमान बनाउने उल्लेख गर्दै नगरपालिकाले अवलम्वन गरिरहेको नीतिगत विषयहरुबारे जानकारी गराउनु भएको थियो ।