आँबुखैरेनीको प्यूघरमा नि: शुल्क दन्त शिविर सुरु, पहिलो दिनमा ६६ जनाको दन्त परिक्षण

इच्छाकामना न्युज

१८, फाल्गुण २०८१

आँबुखैरेनीको प्यूघरमा नि: शुल्क दन्त शिविर सुरु, पहिलो दिनमा ६६ जनाको दन्त परिक्षण

आँबुखैरेनी, फाल्गुन १८ । तनहुँको आँबुखैरेनी गाउँपालिका र नेलम्बो नेपालको साझेदारीमा वडा नं ६ स्थित प्यूघर सामुदायिक स्वास्थ्य चौकीमा आज देखि नि: शुल्क दन्त शिविर सुरु भएको छ ।

आगामी फागुन २२ गतेसम्म संचालन हुने उक्त नि: शुल्क दन्त शिविरको गाउँपालिका अध्यक्ष शुक्र चुमानले उद्घाटन गर्नुभएको छ। यस शिविरमा वडा नं ५ र ६ का विशेष गरि दक्षिण भेगका स्थानीय बासिन्दाले सेवा लिन सक्ने गाउँपालिकाले जनाएको छ ।

शिविरको पहिलो दिन ७४ जनाले नाम दर्ता भएका मध्ये ६६ जना बिरामीले दन्त सम्बन्धि स्वास्थ्य सेवा लिएका छ्न । शिविरमा दाँत भर्ने, दाँत निकाल्ने, RVG (Radiovisiography), दाँत सफा गर्ने, र दाँतको जरा देखि उपचार (RCT) जस्ता स्वास्थ्य सेवा रहेका छन्।

आजको नि: शुल्क दन्त शिविरमा २ जनाको दाँत भरिएको, २१ जनाको दाँत निकालिएको, २६ जनाको आर.भि.जी. गरिएको , १० जनाको दाँत सफा गरिएको र ७ जनाको दाँतको जरा देखि उपचारको गरिएको थियो ।

गरीब र विपन्न वर्गका स्थानीय बासिन्दालाई दन्त स्वास्थ्य सेवा पुर्याउने उद्देश्यले ५ दिने नि: शुल्क दन्त शिविरको आयोजना गरिएको गाउँपालिका अध्यक्ष शुक्र चुमानले बताउनुभएको छ । आँबुखैरेनी गाउँपालिकाले स्वास्थ्य सेवा सुधारको लागी यस्ता आयोजनाहरू निरन्तर सञ्चालन गर्दै आएको छ ।