देवघाट । बिहानी मिडियाको समन्वयमा देवघाटका अग्निपीडितलाई पुनः नगद रकम सहयोग गरेको छ । सोमबार बिहानी मिडियाका अध्यक्ष आशिक रानामगरले देवघाट गाउँपालिकाका अध्यक्ष तिलबहादुर थापामगरको प्रमुख आतिथ्यतामा पुनः नगद २८ हजार ५१५ रुपैयाँ नगत रकम सहयोग हस्तान्तरण गरेका हुन् ।
देवघाट-४ स्थित रातेपानीकी जुनकिरी भुजेलको घरमा गत वैशाख २५ गते राति दिउँसो परेको चट्याङले घरमा आगो लागेको थियो । चट्याङ परेपछि जुनकिरीका ससुरा तुलबहादुरबाहेक सबैजना बेहोस भएका थिए । उनै तुलबहादुरले परिवारका सबै सदस्यको ज्यान जोगाइदिएका थिए । आर्थिक रूपमा अति विपन्न परिवारमा चट्याङ बज्रिएपछि झनै सङ्कट आइपरेको थियो ।
जुनकिरीको घरमा दश जनाको संयुक्त परिवार छ । भुजेल परिवार आगलागीबाट घरसँगै अन्नपात तथा लत्ताकपडा सबै जलेपछि घरबारविहीन बनेको छ । विपदको बेला सबै मिलेर सहयोग गर्न देवघाट गाउँपालिकाका अध्यक्ष तिलबहादुर थापामगरले आग्रह समेत गरे । ‘विपदको बेला जसले जहाँबाट जे सकिन्छ, त्यही सहयोग गर्नुपर्छ,’ उनले भने, ‘फलानोले गर्छ र ढिस्कानोले गर्छ भनेर धाक हेर्नु हुँदैन ।’
सोही विषयमा बिहानी मिडियाले दोस्रो पटक पुनः पहल गरेपछि आर्थिक स्रोत जुटेको थियो । मिडियाका अध्यक्ष रानामगरका अनुसार देवघाट वडा नम्बर ५ निवासी रक्षा कार्कीबाट १ हजार ५ सय रुपैयाँ, भरतपुर चितवनका सुमित्रा सुमित्रा सापकोटाबाट २ हजार रुपैयाँ,बराह आधारभूत विद्यालयका शिक्षक कर्मचारीबाट ५ हजार ५१५ रुपैयाँ,देवघाट ५ गौरीटारका हिरामाया रानामगरबाट १ हजार ५ रुपैयाँँ,भरतपुर चितवनका सुचना गुरुङबाट ३ हजार रुपैयाँ,भरतपुर १६ चितवनका पुर्णिामा गुरुङबाट ५ हजार रुपैयाँ,देवघाट ५ कालिमाटी निवासी हाल रोजगारीको सिलसिलामा अस्ट्रेलिया रहनु हुने भगवती गुरुङ र कमल गुरुङबाट १० हजार रुपैयाँँ गरि कुल जम्मा सहयोग रकम २८ हजार ५१५ रुपैयाँ सहयोग हस्तान्तरण गरेका थियो। घटना भएपछि सबैभन्दा पहिले आधारभूत आवश्यकता उपलब्ध गराएको थियो ।
भुजेलको परिवारलाई बसोबासको लागि गाउँले मिलेर सहयोग जुटाउन थालेका छन् । तर, पर्याप्त सहयोग नजुट्दा हालसम्म घर निर्माणको काम अझै निर्माणाधीन अवस्थामै रहेको स्थानीय नरबहादुर थापाले बताउनुभयो ।
सो सहयोग रकम हस्तान्तरण कार्यक्रम भुजेल समाज चितवनका अध्यक्ष रामबहादुर भुजेल,भुजेल समाज चितवनका सदस्य राजेश भुजेल,देवघाट ४ वडा निवासी नरबहादुर थापामगर लगायत उपस्थिति रहेको थियो।
.png)
