- आइतवार, कार्तिक २३ गते २०८३
TRENDING
गोरखा । वनडढेलो लगाउने कार्यलाई निरुत्साहित गर्न भिमसेन थापा गाउँपालिकाले पातपतिङ्गर संकलन गर्नेलाई नगद पुरस्कार दिने भएको छ । प्रतिकिलो दुई रुपैयाँ उपलब्ध गराउने कार्यपालिका बैठकले निर्णय गरेको छ ।
गाउँपालिकाभित्रका व्यक्ति, टोल विकास संस्था, युवा क्लब, महिला समूह, सहकारी संस्था, निजी फर्म तथा कम्पनीलाई सम्बन्धित सामुदायिक वनका उपभोक्ता समितिसँग समन्वय गरी पातपतिंगर संकलन गर्न पनि आग्रह गरिएको छ ।
गाउँपालिकाले अनुगमन गरेपश्चात् मात्र संकलनबापतको रकम उपलब्ध गराउने गाउँपालिकाका प्रमुख प्रशासकीय अधिकृत चित्रबहादुर अधिकारीले बताए । ‘संकलित पातपतिङ्गरको प्राङ्गारिक मल बनाउाछौं,’ उनले भने, ‘यसका लागि सामुदायिक वन उपभोक्ता समितिले पालिकासँग समन्वय गर्नुहुन्छ, खाल्डो खन्न पालिकाले सहजीकरण गर्छ, उत्पादित मल बेचेर आम्दानी पनि सामुदायिक वनले नै लिनुहुन्छ ।’
भीमसेन थापा गाउँपालिकामा ४० वटा सामुदायिक वन छन् । ‘डढेलो लाग्ने पातपतिङ्गरबाट नै हो, समयमै संकलन गरिदिए डढेलो लाग्नै पाउँदैन,’ उनले भने, ‘यो वर्ष नमुना कार्यक्रमका रुपमा थालनी गरेका हौं, यो सिकाइ हेरेर आगामी वर्ष पनि कार्यक्रमलाई निरन्तरता दिन्छौं ।’
गाउँपालिकाले यस वर्ष डढेलो नियन्त्रणका लागि चार लाख बजेट छुट्याएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
