- बिहिवार, श्रावण २८ गते २०८३
TRENDING
काठमाण्डौ, १५ फागुन । सरकारले कार्बन उत्सर्जनबापत पाएको रकम उपभोक्तालाई नै विशेष कार्यक्रममार्फत् दिने भएको छ । विश्व बैंक र सरकारबीच ४५ मिलियन अमेरिकी डलर अर्थात् करीब ५ अर्ब रुपैयाँ बराबरको कार्बन उत्सर्जन कटौती सम्बन्धी खरिद सम्झौता भएको छ । सम्झौतासँगै विश्व बैंकको वन कार्बन साझेदारी सहयोग (एफसीपीएफ) अभियानमा नेपाल समेत सहभागी भएको छ ।
गत बुधबार भएको सम्झौतामा वन तथा वातावरण मन्त्रालयका सचिव विश्वनाथ ओली र विश्व बैंकका माल्दिभ्स, नेपाल र श्रीलंकाका लागि राष्ट्रिय निर्देशक फरिस हदद जोर्भोसले हस्ताक्षर गरेका छन् । सम्झौताअनुसार रकम नेपालले सन् २०२५ भित्र प्राप्त गरिसक्ने छ । सम्झौता अनुसार यो अवधिमा नेपालले तराई क्षेत्रबाट करीब ९० लाख टन कार्बनडाइअक्साइड कटौती गर्ने अपेक्षा गरिएको छ ।
कार्वन उत्सर्जन गरेबापत प्राप्त हुने रकम वन उपभोक्ताहरुले नैं पाउने वन तथा वातावरण मन्त्रालयका प्रवक्ता प्रकाश लम्सालले सीआईएनलाई जानकारी दिनुभयो । सोझै रकम नभइ वन व्यवस्थापन तथा रोजगारी श्रृजन ागर्ने लगायतका कार्यक्रम सञ्चालन गरिने उहाँको भनाइ छ । तराई क्षेत्रमा वन फँडानी कम गर्दै वनले ढाकेको क्षेत्रफल बिस्तारमा समेत यो रकम खर्च हुनेछ ।
तीब्र सहरीकरण, बढ्दो जनसंख्या, औद्योगिक विकास, पूर्वाधार निर्माणजस्ता कारणले तराई भेगमा वन तथा वातावरण संरक्षण चूनौतीपूर्ण बन्दै गएको छ । वन क्षेत्रले ओगटेको २० प्रतिशत भुभागमा वन संरक्षणको काममा समेत यो कार्यक्रम आकषिर्त हुनेछ ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
