- सोमवार, आश्विन १२ गते २०८३
TRENDING
आँबुखैरेनी (तनहुँ), जेठ ८ । आँबुखैरेनी गाउँपालिकाले डेंगु रोगको रोकथाम तथा नियन्त्रणका लागि सञ्चालन गरिएको ‘लार्भा खोज र नष्ट गर’ अभियानमा सक्रिय भूमिका निर्वाह गर्ने दुई टोल सुधार समितिलाई सम्मान गरेको छ।
गाउँपालिकाले वडा नं. ०३ का नमुना खत्री टोल सुधार समिति, अध्यक्ष नेत्रमान श्रेष्ठ, तथा खानटोक टोल विकास समिति, अध्यक्ष राज कुमार श्रेष्ठ लाई विशेष सम्मान प्रदान गरेको हो।
गाउँपालिका अध्यक्ष शुक्र चुमानको प्रमुख आतिथ्यमा आयोजित कार्यक्रममा समितिका अध्यक्षहरूलाई कदर–प्रमाणपत्र, दोसल्ला र प्रोत्साहन पुरस्कार प्रदान गरियो।
कार्यक्रममा बोल्दै अध्यक्ष चुमानले डेंगु नियन्त्रणजस्ता सार्वजनिक स्वास्थ्य अभियानमा टोल सुधार समिति र स्थानीयवासीहरूको सक्रियता अनुकरणीय रहेको बताए।
उनले भने, “स्वास्थ्य सरोकारको काममा जनताको सहभागिता नै दीगो समाधानको आधार हो। यो सम्मान हाम्रो समष्टिगत चेतना र सहकार्यको प्रतीक हो।”
कार्यक्रममा वडाध्यक्षहरू, स्वास्थ्य शाखा प्रतिनिधि, स्वयंसेवक, टोल सुधार समिति सदस्यहरू तथा स्थानीय बासिन्दाहरूको उपस्थिति थियो।
गाउँपालिकाले अभियानमा सहयोग गर्ने सबैप्रति आभार व्यक्त गर्दै आगामी दिनमा पनि “डेँगुमुक्त आँबुखैरेनी” निर्माणमा निरन्तर साथ दिन अनुरोध गरेको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
