कुुरिनटार, १५ बैशाख । चितवनको एक मात्र गाउँपालिका इच्छाकामनामा बैशाख ३० गते हुने स्थानिय तहको निर्वाचनका लागि सत्ता गठबन्धनले एकिकृत घरदैलो कार्यक्रम सुरु गर्ने भएको छ । बुधबार बसेको गठबन्धनको संयुक्त बैठकले अध्यक्ष र उपाध्यक्षका उम्मेद्वारसहित आजदेखि एकिकृत घरदैलो कार्यक्रम सुरु गर्ने भएको हो ।
बैठकले चुनावी अभियानका लागि विभिन्न समितिहरु समेत गठन गरेका छन् । गठबन्धनको निर्णय अनुसार पहिलो दिन आज वडा नम्बर ३ फिस्लिङबाट एकिकृत घरदैलो कार्यक्रम सुरु गर्ने छन् ।
चुनावी अभियान हुने वडा र मिति
वडा नम्बर १ : बैशाख २० गते
वडा नम्बर २ : १८ र १९ गते
वडा नम्बर ३ : १५ र २२ गते
वडा नम्बर ४ : १६ र २४ गते
वडा नम्बर ५ : २३ गते
वडा नम्बर ६ : २५ र २६ गते
वडा नम्बर ७ : १७ र २१ गते
साथै गठबन्धनले २७ गते संयुक्तरुपमा राजमार्ग केन्द्रित शक्ति प्रदर्शन गर्ने निर्णय गरेको छ । इच्छाकामनामा कांग्रेस ,माओवादी केन्द्र र नेकपा एकिकृत समाजवादीबीच चुनावी तालमेल भएको छ । अध्यक्षमा कांग्रेसका गीता कुमारी गुरुङ र उपाध्यक्षमा प्रताप गुरुङको उम्मेद्वारी रहेको छ ।