अदनानले थपे, ‘जब म आफ्नो तौल घटाउने यात्रा सुरु गरिरहेको थिएँ तब मैले अन्तिम पटक ‘म्यास पोटेटो’, असाध्यै धेरै नौनीसँग मासुका परिकार र ठूलो केक खाएको थिएँ । त्यसपछि मैले भोलिपल्ट नै लो कार्ब र हाई प्रोटिनयुक्त खानेकुरा खान सुरु गरेको थिएँ ।’

यसरी बढेको थियो अदनानको तौल

अदनानले अन्तरवार्ताका बेला आफू पहिला देखि नै यति धेरै मोटो नभएको बताए । उनी स्कूलका दिनमा खेलकुदमा निकै सक्रिय थिए । ह्युस्टनमा जब उनले आफ्ना न्युट्रिसनिष्टलाई भेटे तब उनले अदनान इमोशनल इटिङका शिकार भएको पाए । इमोशनल इटिङ त्यो हो जसमा मानिसहरु स्ट्रेस र नेगेटिभ इमोसनबाट बाहिर आउनका लागि खानालाई नै सबैभन्दा राम्रो तरिका मान्ने गर्छन् । इमोशनल इटिङमा धेरैजसो मानिसहरु चकलेट, पिज्जा, आइसक्रिम, गुलियो खानेकुरा र जंक फुडको अत्यधिक सेवन गर्ने गर्छन् ।

अदनानले पनि तनावको व्यवस्थापन गर्नका लागि कार्ब्स, सुगर–फ्याटयुक्त खानेकुरा र नुन भएका खानेकुराको अत्यधिक सेवन गरे । उनलाई ती कुरा खाँदा अफसोस लागेपनि पछि ती खाइरहेका हुन्थे । त्यसपछि बिस्तारै उनको तौल बढ्दै गयो । न्युट्रिसनिस्टको सबैभन्दा ठूलो च्यालेन्ज भएको उनलाई इमोशनल इटिङबाट बाहिर निकाल्नु थियो ।

यस्ता खानेकुरा खान्थे अदनान

ह्युस्टनका न्युट्रिसनिस्टले अदनान सामीको इमोशनल इटिङको बानी छुटाए । त्यसपछि उनलाई कम क्यालोरी भएका खानेकुरा दिइयो । खानामा भात, ब्रेड र अस्वस्थकर जंक फुड समावेश थिएनन् । उनलाई सलाद, माछा र दाल खाने सल्लाह दिइएको थियो । दिनको सुरुवातमा उनी चिनी नहालिएको चिया खान्थे । दिउँसोको खानमा उनलाई सलाद र माछा दिइने गरिन्थ्यो । रातीको खानामा दाल वा चिकन दिइन्थ्यो । उनलाई चिनी नभएको ड्रिङ्क मात्रै पिउन अनुमति थियो । बिहानको समयमा नास्तामा पपकर्न खान्थे ।

यस्तो हुन्थ्यो अदनान सामीको वर्कआउट

जानकारीका अनुसार अदनान सामीको तौल यति धेरै थियो कि उनले निहुरेर हेर्दा आफ्नो खुट्टासमेत देख्दैनथे । उनी ४० किलो घटेपछि उनलाई ट्रेडमिलमा हिँड्न सल्लाह दिइयो र हल्का व्यायाम पनि गराइयो ।

भारतमा उनका ट्रेनरले उनलाई हप्तामा ६ दिन स्ट्रेन्थ ट्रेनिङ र कार्डियो एक्सरसाइज गराए । यस्तो गरेर हरेक महिना अदनानले लगभग १० किलो तौल घटाए । हाल उनको तौल ७५ किलो भएको बताइन्छ ।