नागरिकता विधेयक प्रतिनिधि सभाबाट पारित, दलीय सहमति खोज्न नेताहरूको जोड

इच्छाकामना न्युज

७, श्रावण २०७९

नागरिकता विधेयक प्रतिनिधि सभाबाट पारित, दलीय सहमति खोज्न नेताहरूको जोड

काठमाण्डौ, ७ साउन । हिजो प्रतिनिधि सभाबाट पारित भएको नागरिकता (पहिलो संशोधन) विधेयक २०७९ का विषयमा राजनीति दलहरूबीच सहमति खोज्नुपर्ने सरकारमा रहेका दलका नेताहरूले जोड दिएका छन् ।

सत्ताघटक एकीकृत समाजवादीका नेता, पूर्वप्रधानमन्त्री झलनाथ खनालले अहिलेको नागरिकता विधेयकका केही प्रावधानमा गम्भीर प्रश्न उठेको भन्दै यसमा राजनीतिक दलहरूको सहमति खोज्नुपर्ने बताउनुभयो । प्रमुख प्रतिपक्षी दल नेकपा एमालेले असहमति जनाएको उल्लेख गर्दै खनालले गम्भीर विषयमा संवाद गरी सहमति खोज्न आवश्यक रहेको बताउनुभयो ।

हिजो गृहमन्त्री बालकृष्ण खाँणले नेपाल नागरिकता (पहिलो संशोधन) विधेयक २०७९ पारित गरियोस् भन्ने प्रस्ताव प्रतिनिधि सभामा पेश गर्नुभएको थियो । त्यसपछि सभामुख अग्निप्रसाद साकोटाले नागरिकता विधेयकलाई निर्णायार्थ प्रस्तुत गर्नुभएकोमा प्रतिनिधि सभाको बहुमतले पारित भएको घोषणा गगरिएको हो ।

त्यसअघि गृहमन्त्री खाणले नागरिकता विधेयकमाथि उठेका प्रश्नको जवाफ दिनुभएको थियो । छलफलमा भाग लिँदै सांसदहरूले नेपाली नागरिकसँग विवाह गरेर आउने विदेशी महिलालाईसात वर्ष नेपालमा बसोबास गरेपछि मात्रै अङ्गिकृत नागरिकता दिने व्यवस्था हुनुपर्नेमा जोड दिएका थिए ।नागरिकता विधेयक राष्ट्रिय सभाबाट पारित भएर प्रमाणिकरणपछि कार्यान्वयनमा आउनेछ ।