समिना रञ्जितकार, बिरगञ्ज, २२ पुस । पर्साका स्थानीय तहहरुमा रहेका विद्यालयमा अहिले दिवा खाजा कार्यक्रम रोकिएको छ । संघीय सरकारले दिवा खाजाको रकम पालिकाहरुमा पठाइसकेको भएपनि विद्यालयमा भने दिवा खाजा कार्यक्रम रोकिएको छ ।  
दिवा खाजा कार्यक्रम बन्द हुदाँ बिद्यालय आउने बिद्यार्थीहरुको संख्यामा पनि कमि आएको छ ।  बिथार्थीहरुलाई बिद्यालय जान आकर्षित गर्न , विद्यालयमा टिकाउन र शैक्षिक स्तर उकास्नका लागि सरकारले बिद्यालय दिवा खाजा कार्यक्रम संचालनमा ल्याएको थियो । तर अहिले सो कार्यक्रम सञ्चालनमा नआउदाँ विद्यालय आउने बिद्यार्थीहरुको संख्यामा कमि गएको छ । 
पहिले बिद्यालयमा खाजा खान पाइने आसमा बालबालिकाहरु बिद्यालय आउने गरेको  भएपनि अहिले भने नियमित विद्यालय आउने विद्यार्थीको सङ्ख्या घटेको शिक्षकहरु बताउँछन् ।  माध्यामिक  र उच्च माध्यामिकका साथै प्राथमिक र आधारभुत तहको कक्षा पनि पुसको पहिलो सातादेखी नियमित रुपमा संचालनमा आएको छ । लामो समयको अन्तरालमा बिद्यालय संचालनमा आएपनि विद्यालयमा विद्यार्थीहरुको उपस्थिति भने सन्तोषजनक छैन । विद्यालयमा खाजा दिन नसक्दा  साना कक्षाका बालबालिकाहरुलाई समय भन्दा अघिनै छुट्ठी दिनु पर्ने समस्या हुने गरेको नेपाल राष्ट्रिय माध्यमिक बिधालयका प्रधानाध्यापक मोहन दास थारुले बताउनुभयो ।  
सरकारले प्रारम्भिक देखि कक्षा ५ सम्म दिवा खाजा कार्यक्रम संन्चालन गर्नको लागि सबै पालिकाहरुमा रकम पठाएको छ ।  तर पालिकाहरुले रकम विद्यालयमा नपठाएका कारण दिवा खाजा कार्यक्रम पुन सन्चालनमा आउन नसकेको हो । 
अब भने विद्यालयहरुबाट खाजाको माग बढ्न थालेकाले खाजाको व्यवस्था गर्ने बहुदरमाइ नगरपालिकाका नगरप्रमुख नितेन्द्र साहले बताउनुभयो । सरकारले साना बालबालिकाहरुलाइ विद्यालय र पढाइ प्रति आकर्षित गराउन दिवा खाजा कार्यक्रम लागू गरेको छ । विद्यालयमा विद्यार्थीले १५ रुपैंया बराबरको खाजा पाउने गरेका छन् ।