विद्युत छिनछिनमा जाने (ट्रिपिङ)को समस्या घट्दै गएको प्राधिकरणको दाबी

इच्छाकामना न्युज

२३, पौष २०७७

विद्युत छिनछिनमा जाने (ट्रिपिङ)को समस्या घट्दै गएको प्राधिकरणको दाबी

काठमाण्डौ, २३ पुस । नेपाल विद्युत प्राधिकरणले विद्युत छिनछिनमा जाने (ट्रिपिङ)को समस्या घट्दै गएको बताएको छ। उपभोक्तालाई गुणस्तरीय, भरपर्दो र पर्याप्त विद्युत् उपलब्ध गराउन प्रसारण तथा बितरण लाइन र सबस्टेसन सुदृढीकरणका लागि चालिएका कदमबाट ट्रिपिङ समया कम भएको प्राधिकरणको भनाइ छ।
प्राधिकरणको तथ्याङ्क अनुसार, विद्युतको माग सबैभन्दा बढी हुने काठमाडौं उपत्यकामा यस वर्षको मंसिरमा ३ सय ४७ पल्ट ट्रिपिङ भएको छ। काठमाडौं उपत्यका र यस आसपासका जिल्लामा विद्युत् आपूर्ति गर्ने १४ वटा सबस्टेसनमा ट्रिपिङ हुँदा २२ घन्टा विद्युत अवरोध भएको छ। गत वर्षको मंसिरमा ५ सय ७७ पटक ट्रिपिङ भई ६५ घन्टा विद्युत आपूर्ति बन्द भएको थियो ।
प्रणालीमा माग अनुसार आपूर्तिका लागि पर्याप्त विद्युत रहेकाले घोषितरअघोषित रूपमा विद्युत विद्युत कटौती (लोडसेडिङ) नगरिएको प्राधिकरणका कायम मुकायम (कामु) कार्यकारी निर्देशक हितेन्द्रदेव शाक्यले बताउनुभयो । शाक्यले सडक तथा खानेपानी पाइप विस्तारका कारण भूमिगत केवलमा क्षति पुग्ने, केही स्थानमा पोल तथा टान्सर्फमर सार्नु पर्नेलगायतका प्राविधिक कारणले त्यस आसपासका क्षेत्रमा केही समय विद्युत कटौती भएको हुनसक्ने बताउनुभयो ।