काठमाडौं । आगामी राष्ट्रपति को बन्ने भन्ने विषयले सत्ता गठबन्धन धरापमा परेको छ । राष्ट्रपतिको विषयलाई लिएर गठबन्धनको मुख्य घटक दल एमाले र माओवादी केन्द्रबीच नै मतभेद भएपछि बनेको दुई महिनामै गठबन्धन धरापमा परेको हो ।
सातदलीय गठबन्धनको भविष्य अब दुई शीर्ष नेता माओवादीका अध्यक्ष पुष्पकमल दाहाल प्रचण्ड र एमाले अधयक्ष केपी शर्मा ओलीको हातमा छ । उनीहरुले राष्ट्रपति निर्वाचनको कार्यतालिकाअनुसार उम्मेदवारको मनोनयन अघि आज निर्णायक वार्ता गर्दैछन् ।
राष्ट्रपति उम्मेदवारमा सहमति जुटाउन प्रचण्डले आज ओलीसँग निर्णायक वार्ता गर्ने भएका हुन् । २५ गते हुने निर्वाचनको लागि १३ गते मनोनयन दर्ताको मिति तोकिएको छ ।