कुरिनटार । बिहिबार सार्वजनिक भएको गत वर्षको एसइई परीक्षाको नतिजामा इच्छाकामना गाउँपालिकाबाट सहभागी सबै विद्यालयहरु मध्य इच्छाकामना ४ कुरिनटारमा रहेको संस्थागत विद्यालय प्रगती पाठशालाको नतिजा उत्कृष्ट आएको छ । नतिजा अनुसार प्रगती पाठशालाबाट सहभागी ४५ जना विद्यार्थीहरु उतीर्ण भएका छन् भने ४ जनाले ए प्लसको जिपिए ल्याएका छन् ।

उक्त विद्यालयबाट सहभागी छात्र सविन त्रिपाठीले ३.८५ जिपिए र छात्रा सजिता सिलवालले ३.६५ जिपिए ल्याएका छन् । अन्य सहभागी मध्य ४ जनाले ए प्लस, ९ जनाले ए, ११ जनाले बि प्लस, ११ जनाले बि, ७ जनाले सि प्लस र ३ जनाले सि ग्रेड ल्याएको प्रिन्सिपल टंक त्रिपाठीले बताए ।

संस्थागत विद्यालयतर्फ रहेका ग्रीनफिल्ड बोर्डिङ स्कुल मुग्लिनका २ जना र मस्र्याङदी शिक्षा सदन मुग्लिनका १ जना विद्यार्थीले ए ग्रेड ल्याएका छन् । 

यस्तै सामुदायिक विद्यालयतर्फ कुरिनटारमा रहेको सर्वशान्ति माविको नतिजा सबैभन्दा राम्रो आएको छ । उक्त विद्यालयबाट सहभागी  २ जना विद्यार्थीले ए ग्रेड ल्याएका छन् । उक्त विद्यालयका अंकित थापा मगरले ३.४ र सुगम थापा मगरले ३.३५ जिपिए ल्याएको विद्यालयका प्रध्यानाध्यापक जोहन खरेलले बताए । उक्त विद्यालयबाट सहभागी १०५ जना विद्यार्थीहरु मध्य २ जनाले ए, १३ जनाले बि प्लस, १० जनाले बि, २९ जनाले सि प्लस, ४० जनाले सि, ३ जनाले डि प्लस, ७ जनाले डि ग्रेड ल्याएका छन् भने १ जना अनुपस्थित भएका थिए ।

यस्तै अन्य सामुदायिक विद्यालयहरुमा मुग्लिनको त्रिवेणी बराह माविका २ विद्यार्थी सन्धा अधिकारीले ३.२८ र अभिषेक कुमारले ३.२ जिपिए ल्याएको विद्यालयका प्रध्यानाध्यापक युवराज लामाले जानकारी दिए । साथै इच्छाकामना ७ मा रहेको गर्दास माविका १ र रानीखोला मावि सिमलढापका १ विद्यार्थीले ए ग्रेड ल्याएको उक्त विद्यालयका प्रध्यानाध्यापकहरुले जानकारी दिएका छन् । 

इच्छाकामना गाउँपालिकाबाट पछिल्लो वर्ष एसइईमा ८ वटा सामुदायिक र ३ वटा संस्थागत गरी ११ वटा सामुदायिक विद्यालयहरुबाट विद्यार्थीहरु सहभागी थिए ।