आँबुखैरेनी। तनहुँको आँबुखैरेनीमा जारी दोस्रो पुलजिप ल्होसार कप सेभेन ए साईड फुटबल प्रतियोगिता को उपाधी मार्किचोकको मर्स्याङ्दी पोल्ट्री फर्मले जितेको छ । आज भएको फाइनल खेलमा गोरखा त्रिवेणी युवा क्लब करनटारलाई ० का विरुद्ध १ गोल गर्दै मर्स्याङ्दी पोल्ट्री फर्मले उपाधी जितेको हो । 

जित सँगै मर्स्याङ्दी पोल्ट्री फर्म मार्किचोकले नगद ५० हजार ट्रफी, मेडल र प्रमाणपत्र प्राप्त गरेको छ, भने उपबिजेता गोरखा त्रिवेणी युवा क्लब करनटारले नगद २५ हजार ट्रफी, मेडल र प्रमाणपत्र प्राप्त गरेको छ । 

यस्तै प्रतियोगितामा उत्कृष्ट खेलाडी गोरखा त्रिवेनी युवा क्लब करनटारका लक्ष्मण गुरुङ, उत्कृष्ट गोलरक्षक मर्स्याङ्गदी पोल्ट«ी फार्म मार्किचोकका बिजय गुरुङ्ग र सर्वाधिक गोलकर्ता त्रिवेणी युवा क्लब मुग्लिनका आशिष क्षेत्री रहेका थिए । उनीहरुलाई मेडल, प्रमाणपत्र र जनही नगद १ हजार ५ सय रुपैयाँले सम्मानित गरिएको थियो । 

पुलजिप युवा क्लब आँबुखैरेनी ४, संगमटोल तनहुँद्वारा तमू ल्होसार पर्वको अवसरमा यहि पुस २० गते देखि उक्त प्रतियोगिताको आयोजना गरिएको थियो । प्रतियोगितामा २८ टिम सहभागी रहेको थियो । 

प्रतियोगितामा बिजेता र उपबिजेता टिमलाई कार्यक्रमका प्रमुख अतिथि देवघाट गाउँपालिकाका अध्यक्ष तिल बहादुर थापा, पुलजिप युवा क्लबका अध्यक्ष बिजय गुरुङ, जिल्ला समन्वय समितिका प्रवक्ता नेत्र बहादुर गुरुङ, वडा नं. ४ का वडाध्यक्ष मिलन भुजेल लगायतले पुरस्कार वितरण गर्नुभएको थियो ।

प्रतियोगिताको समापन समारोहलाई सम्बोन्धन गर्दै प्रमुख अतिथि देवघाट गाउँपालिका अध्यक्ष तिल बहादुर थापाले क्लवले आयोजना गरेको प्रतियोगिता उत्कृष्ट रहेको र देवघाट गाउँपालिकाको तर्फबाट नगद ५० हजार सहयोग गर्ने बताउनुभयो ।