- मंगलवार, आश्विन १३ गते २०८३
TRENDING
काठमाडौ फाल्गुन,५। बैतडीको दोगडाकेदार गाउँपालिका की १७ वर्षीया किशोरी भागरथी भट्टको बलात्कारपछि हत्या भएपछि बैतडीमा प्रदर्शन भएका थिए ।प्रदर्शनमा भागरथीलाई न्याय दे भन्दै नारा लगाउने उनका छिमेकी नै बलात्कार र हत्यामा संलग्न भएको पुष्टि भएको छ ।‘भागरथीको न्यायका निम्ति हुने हरेक प्रदर्शनमा उनी सहभागी थिए’, एक प्रहरी अधिकारीले भने, ‘उनीमाथि हाम्रो निगरानी थियो । उनी प्रहरी देख्नासाथ डराएका जस्ता देखिन्थे ।’मंगलबार उनकै घरबाट प्रहरीले उनलाई नियन्त्रणमा लिएको थियो । उनले बलात्कारपछि हत्या गरेको स्विकारेका छन् ।
पक्राउ पर्ने दिनेश भट्ट भागरथी पढ्ने विद्यालयमै कक्षा ११ मा अध्ययनरत रहेको प्रहरीले जानकारी दिएको छ ।पक्राउ परेका व्यक्तिलाई आज जिल्ला प्रहरी कार्यालयमा पत्रकार सम्मेलन गरेर सार्वजनिक गरिने सुदूरपश्चिम प्रदेश प्रमुख डीआईजी उत्तमराज सुवेदीले जानकारी दिनुभयो ।भागरथीको गएको २१ गते हत्या भएको थियो । हत्या भएको भोलिपल्ट शव भेटिएको थियो । उनको बलात्कार पछि हत्या भएको पोस्टमार्टम रिपोर्टले पुष्टि गरेको थियो ।भागरथीका परिवारले दोषीलाई कारबाही नभएसम्म शब नबुझ्ने अडान राखे पछि शव जिल्ला अस्पताल बैतडीमै राखिएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
