- मंगलवार, आश्विन १३ गते २०८३
TRENDING
गोरखा, १० फागुन । गोरखाको बारपाकमा एउटै घरमा सुतेका ३ जना आज बिहान मृत भेटिएका छन् । जिल्लाको बारापाक सुलिकोट गाउँपालिका–१ बारपाक स्थित धामी तोराङमा गएराती एउटै घरमा सुतेका १ पुरुष र २ महिला जना मृतावस्थामा भेटिएको जिल्ला प्रहरी कार्यालय गोरखाका प्रमुख प्रहरी उपरीक्षक (एसपी) सुरेन्द्रबहादुर गुरुङले जानकारी दिनुभयो ।
मृतावस्थामा भेटिनेहरुमा ८४ बर्षका दिलबहादुर गुरुङ, उहाँकी बुहारी २२ बर्षकी आईतकुमारी गुरुङ र १३ बर्षिया नातिनी (छोरीकी छोरी) उषा गुरुङ रहेको उहाँले बताउनुभयो । आज बिहान अबेरसम्म पनि घरको ढोका नखुलेपछि संगैको छिमेकीले भित्र गएर हेर्दा तिनै जना मृतावस्थामा देखेपछि स्थानीयले प्रहरीलाई खबर गरेका थिए ।
अहिले इलाका प्रहरी कार्यालय जौवारीका प्रहरी निरीक्षण इश्वर लौडारीको नेतृत्वको टोली घटनास्थल तर्फ पठाइएको एसपी गुरुङले जानकारी दिनुभयो । घटनास्थलमा पुगेर थप अनुसन्धान नगरेसम्म घटनाको बारेमा थप केही बताउन नसक्ने उहाँको भनाई छ । मृत्तक सबैको मुखबाट फिँज बगिरहेको पाइएकाले बिषालु च्याउँ खाएका कारण मृत्यु भएको हुनसक्ने स्थानीयले आंशका गरेका छन् ।
बिहान घर भित्र मृत भेटिएका बारपाकका तीन जनाको शव पोष्टमार्टमका लागि जौवारी ल्याइएको छ । प्रहरी निरीक्षक इश्वर लौडारी नेतृत्वको टोलीले घटनास्थलको मुचुल्का सकेर तीनवटै शव पोष्टमार्टका लागि जौवारी ल्याएको हो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
