- शुक्रवार, कार्तिक २८ गते २०८३
TRENDING
इच्छाकामना । इच्छाकामना गाउँपालिका वडा नं १ हातिबाङमा किसानलाई लक्षित गर्दै ५० प्रतिशत अनुदानमा कृषि सामग्री तथा उपकरण वितरण कार्यक्रम सञ्चालन गरिएको छ। कार्यक्रमअन्तर्गत स्थानीय कृषकहरूलाई मल, बीउ, कृषि औजार, प्लास्टिक टनेल सामग्री लगायत विभिन्न आधुनिक कृषि उपकरणहरू वितरण गरिएको वडा कार्यालयले जनाएको छ।
गाउँपालिकाकी उपाध्यक्ष माया सिलवालका अनुसार कृषकहरूलाई आधुनिक तथा व्यावसायिक खेतीतर्फ आकर्षित गर्न यो कार्यक्रम ल्याइएको हो। "स्थानीय उत्पादनमा वृद्धि, कृषकहरूको आत्मनिर्भरता र जीवनस्तर सुधारका लागि यो पहल गरिएको हो," उपाध्यक्ष सिलवालले भनिन्।
कार्यक्रममा सहभागी कृषकहरूले अनुदानको यो योजनाले आफूहरूलाई खेतीमा प्रोत्साहन मिलेको बताएका छन्। हातिबाङका कृषक भन्छन्, "पहिलेजस्तो परम्परागत तरिकाले मात्रै सम्भव हुन्नथ्यो, अहिले उपकरण सहयोगले सजिलो भएको छ।"
गाउँपालिकाले आगामी दिनमा समेत कृषिमा आधारित विभिन्न कार्यक्रम ल्याउँदै जाने जानकारी दिएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
