- बिहिवार, श्रावण २८ गते २०८३
TRENDING
इच्छाकामना | गरिबी निवारण तथा स्वरोजगार सृजनाको लक्ष्यसहित इच्छाकामना गाउँपालिकाले लघु उद्यम विकास कार्यक्रम (MEDPA) अन्तर्गत प्रविधि हस्तान्तरण कार्यक्रम सञ्चालन गरेको छ।
इच्छाकामना–७, भालुमारामा सम्पन्न उक्त कार्यक्रममा चर्खा धागो बनाउने मेशिन वितरण गरी स्थानीय महिलाहरूलाई सीप विकास तालिम समेत सुरु गरिएको छ।
कार्यक्रमको उद्घाटन इच्छाकामना गाउँपालिकाकी उपाध्यक्ष माया सिलवालले गर्नुभएको थियो। उहाँले स्थानीय उत्पादन र सीपमूलक उद्यमले दीर्घकालीन रुपमा आर्थिक सशक्तिकरणमा टेवा पुर्याउने विश्वास व्यक्त गर्नुभयो।
"हामीले स्वरोजगार र सीपमा आधारित उद्यमलाई प्राथमिकतामा राखेका छौँ," उपाध्यक्ष सिलवालले भनिन्, "धागो उत्पादनजस्ता पारम्परिक सीपलाई आधुनिक प्रविधिसँग जोड्दै आम्दानीमुखी बनाउन यस्तो कार्यक्रम ल्याइएको हो।"
कार्यक्रममा गाउँपालिकाका जनप्रतिनिधि, स्थानीय महिला समूह, लाभग्राहीहरू र सरोकारवालाहरूको सक्रिय सहभागिता रहेको थियो।
कार्यक्रमअन्तर्गत स्थानीय महिलाहरूलाई धागो उत्पादन, गुणस्तरीय तयारी प्रक्रिया तथा साना उद्यम सञ्चालनसम्बन्धी तालिम प्रदान गरिने आयोजकले जनाएको छ।
इच्छाकामना गाउँपालिकाले लघु उद्यम तथा सीप विकासमार्फत समुदायमा आर्थिक समावेशीकरणको नयाँ बाटो खोल्ने प्रयास गर्दै आएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
