- सोमवार, आश्विन १२ गते २०८३
TRENDING
काठमाण्डौ, २१ फागुन । नेपाल कम्युनिस्ट पार्टी नेकपाको प्रचण्ड–नेपाल पक्षको संसदीय दलको बैठकले पार्टी अध्यक्ष पुष्पकमल दाहाल प्रचण्डलाई संसदीय दलको नेता चयन गरेको छ । सिंहदरबारमा जेष्ठ सदस्यको हैसियतले झलनाथ खनालको अध्यक्षतामा बसेको आजको बैठकले विधिवत रुपमा संसदीय दलको नेता परिर्वतन गरेको हो ।
संसदीय दलको नेता चयन भएपछि प्रचण्डले सबै सांसदहरुलाई धन्यवाद दिनुभएको छ । बैठकअघि प्रचण्ड–नेपाल पक्षले आफू पक्षीय सांसद्हरुको हस्ताक्षर सङ्कलन समेत गरेको थियो । नेकपाको संसदीय दलका बहुमत सदस्य आफ्नो पक्षमा रहेको उनीहरुको दाबी छ । आज ११४ जना सांसदहरुको हस्ताक्षर संकलन भएको नेताहरुले दाबी गरेका छन् । ओली पक्षले पनि आफुहरुको पक्षमा बहुत सांसद रहेको दाबी गर्दै आएका छन् । दुबै पक्षले आफ्नो पक्षमा बुमत रहेको दाबी गरिरहेका बेला आधिकारिक रुपमा कसको पक्षमा कति सांसद छन् भन्ने बारेमा औपचारिक सङ्ख्या आइसकेको छैन । प्रतिनिधिसभामा नेकपाका १७३ सांसदहरु रहेका छन् ।
यसैबीच,नेकपा प्रचण्ड–नेपाल समूहले नेकपाको अधिकारिकता विवाद अविलम्ब निरुपण गरिदिन निर्वाचन आयोगलाई आग्रह गरेको छ ।अध्यक्षद्वय माधवकुमार नेपाल र पुष्पकमल दाहाल प्रचण्डको पाँच पृष्ठ लामो पत्र लिएर राजेन्द्र पाण्डेसहितका नेताहरु आयोग पुगेका थिए । तत्काल विवाद निरुपणसम्बन्धी प्रक्रिया सुरु गर्न भनेर निवेदन दिएको पाण्डेले बताउनुभयो । जवाफमा प्रमुख निर्वाचन आयुक्त दिनेश थपलियाले पर्सि आइतबार आयोगको बैठक बस्ने र त्यही दिनबाट प्रक्रिया सुरु गर्ने आश्वासन दिएको पाण्डेले जानकारी दिनुभयो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
