इच्छाकामना। गरिबी निवारण तथा चेपाङ समुदायको आयआर्जन वृद्धि गर्ने उद्देश्यले इच्छाकामना गाउँपालिकाले जीविकोपार्जन कार्यक्रमअन्तर्गत वडा नं. १ का तिपाङ, जैथली र गारोघरे क्षेत्रका तीन कृषि समूहमा आबद्ध ७८ घरपरिवारलाई प्रजननयोग्य पाठी वितरण गरेको छ।
गाउँपालिकाका अनुसार बाख्रापालनलाई आयआर्जनको भरपर्दो माध्यम बनाउँदै चेपाङ समुदायको आर्थिक अवस्था सुधार गर्ने लक्ष्यसहित पाठी वितरण गरिएको हो। यस कार्यक्रमबाट स्थानीय परिवारलाई दिगो आम्दानीको आधार तयार गर्न सहयोग पुग्ने विश्वास गाउँपालिकाले व्यक्त गरेको छ।