- सोमवार, आश्विन १२ गते २०८३
TRENDING
इच्छाकामना । चितवनको इच्छाकामना गाउँपालिका–४ मा सुधारिएको दाउराको चुलो वितरण कार्य आजदेखि औपचारिक रूपमा सुरु गरिएको छ। वातावरण संरक्षण, स्वास्थ्य सुधार तथा दाउराको दक्ष उपयोगलाई प्रोत्साहन गर्ने उद्देश्यले कार्यक्रम सञ्चालन गरिएको वडा कार्यालयले जनाएको छ।
वडा कार्यालयका अनुसार यसअघि फारम भरेका तथा निवेदन दिएका लाभग्राहीलाई प्राथमिकताका आधारमा चुलो वितरण भइरहेको छ। सम्बन्धित लाभग्राहीलाई यथाशीघ्र वडा नं. ४ को कार्यालयमा सम्पर्क गरी आफ्नो नाममा आएको चुलो बुझिलिन अनुरोध गरिएको छ।
वडाध्यक्ष रुद्रप्रसाद उप्रेतीले सुधारिएको चुलोको प्रयोगले स्थानीय बासिन्दाको स्वास्थ्यमा सकारात्मक प्रभाव पार्नुका साथै दाउराको खपत घटाएर इन्धन बचत र वातावरण संरक्षणमा महत्वपूर्ण योगदान पुग्ने विश्वास व्यक्त गर्नुभयो। उहाँले लक्षित वर्गका सबै लाभग्राहीलाई समयमै चुलो बुझिलिन आग्रह गर्दै कार्यक्रमलाई प्रभावकारी रूपमा कार्यान्वयन गरिने बताउनुभयो।
स्थानीय तहले यस्ता कार्यक्रममार्फत ग्रामीण समुदायको जीवनस्तर सुधार, स्वच्छ ऊर्जा प्रवर्द्धन तथा वातावरणीय संरक्षणमा थप पहल गर्दै जाने जनाएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
