- बिहिवार, कार्तिक २७ गते २०८३
TRENDING
आँबुखैरेनी, १४ चैत । ‘कृष्णदास चेतकुमारी मल्ल उत्कृष्ट स्वास्थ्य सेवा सम्मान’बाट आँबुखैरेनी गाउँपालिकाको स्वास्थ्य शाखामा कार्यरत २ जना स्वास्थ्यकर्मी सम्मानित भएका छन्। सम्मानित हुनेहरुमा गाउँपालिकाको स्वास्थ्य शाखा प्रमुख अगमराज उपाध्याय र आँबुखैरेनी स्वास्थ्य चौकीमा कार्यरत ल्याव टेक्निसियन अमृत पण्डित रहेका छन्।
उनीहरुलाई आँबुखैरेनी स्रष्टा समाज आँबुखैरेनीले कोरोना महामारीको बेला उत्कृष्ट कार्य सम्पादन गरेको भन्दै आज एक कार्यक्रमको आयोजना गरि ‘कृष्णदास चेतकुमारी मल्ल उत्कृष्ट स्वास्थ्य सेवा सम्मान’बाट सम्मानित गरेको हो। सम्मानित हुने स्वास्थ्यकर्मीद्वयलाई सम्मानपत्र, खादा, मायाको चिनो र नगद समेत प्रदान गरिएको थियो।
पुरस्कार स्थानीय बुद्धिजिवी एवं समाजसेवी भगवानदाश मल्लले आफ्नो बाबु कृष्णदाश मल्ल र आमा चेतकुमारी मल्लको स्मृतिमा आँबुखैरेनी स्रष्टा समाजले वितरण गर्ने गरि यसै वर्षदेखि स्थापना गरिएको हो।
सम्मानित भएपछि खुशी व्यक्त गर्दै आँबुखैरेनी गाउँपालिकाका स्वास्थ्य शाखा प्रमुख अगमराज उपाध्यायले संस्था र दातालाई धन्यवाद दिए। यो सम्मानले आफुहरुलाई काम गर्न थप उत्साह मिलेको पनि उनले प्रतिक्रिया दिए।
कार्यक्रमको सभापति आँबुखैरेनी स्रष्टा समाजका अध्यक्ष अनिलबाबु श्रेष्ठले गर्नुभएको थियो भने कार्यक्रमको प्रमुख अतिथि प्राडा जगदिशचन्द्र भण्डारी, विशिष्ट अतिथि आँबुखैरेनी गाउँपालिका अध्यक्ष गिर बहादुर थापा, वरिष्ठ समालोचक, सौन्दर्य चिन्तक प्राडा ताराकान्त पाण्डेय रहनुभएको थियो।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
