कुहिएको मासु र म्याद नाघेको दाना बेच्दै आँबुखैरेनीको मनकामना दाना पसल

कुहिएको ३१ किलो ब्रोईलर कुखुराको मासु जफत गरि नष्ट गरियो

इच्छाकामना न्युज

८, आषाढ २०७८

कुहिएको मासु र म्याद नाघेको दाना बेच्दै आँबुखैरेनीको मनकामना दाना पसल

आँबुखैरेनी, ८ असार । जिल्ला प्रशासन कार्यालय तनहुँले आँबुखैरेनी बजारमा रहेको विभिन्न पसलहरुको अनुगमन गरेको छ । सहायक प्रमुख जिल्ला अधिकारी चित्राङ्त बरालको नेतृत्वमा आएको बजार अनुगमन टोलिले आँबुखैरेनी बजारमा रहेका फ्रेस हाउस, दाना पसल, मिनि मार्ट तथा भेटेनरी पसलहरुको आज अनुगमन गरेको हो।

अनुगमनका क्रममा मनकामना दाना पसलबाट सडे गलेर कुहिएको अवस्थामा रहेको ३१ किलो ब्रोईलर कुखुराको मासु र म्याद नाघेको ३४ किलो कुखुरालाई खुवाउने दाना जफत गरेको छ । जफत गरिएको सडे गलेको ब्रोईलर कुखुराको मासु र म्याद नाघेको कुखुरालाई खुवाउने दाना तत्काललै खाडल खनी नष्ट गरिएको छ ।

यस्तै न्यु श्रेष्ठ मिनि मार्टबाट केही सामान स्याम्पलको लागि नियन्त्रणमा लिइएको र एम आर पि मूल्य भन्दा प्रिन्टेट मुल्य बढि राखेर सामान बिक्रीवितरण गरिएको पाईएको छ ।

सहायक प्रमुख जिल्ला अधिकारी बरालको नेतृत्वमा आएको बजार अनुगमन टोलिमा वरिष्ठ पशु चिकित्सक अधिकृत बालकुमार श्रेष्ठ, कृषि ज्ञान केन्द्रका प्रमुख कुल प्रसाद तिवारी, आँबुखैरेनी गाउँपालिकाका प्रमुख प्रशासकीय अधिकृत बिष्णु प्रसाद पोखरेल, आँबुखैरेनी गाउँपालिका–३ का वडाध्यक्ष पुर्ण बहादुर आले, खाद्य प्रबिधि तथा गुण नियन्त्रण डिभिजन कार्यालयका प्रमुख प्रशन्न पोखरेल, ईलाका प्रहरी कार्यालय आँबुखैरेनीका प्रहरी सहायक निरीक्षक रबि थापा, भेटेनरी अस्पतालका प्रतिनिधि डिल्लीराम पोखरेल लगाएतको सहभागिता रहेको जिल्ला प्रशासन कार्यालयका नायब सुब्बा मनोज रेग्मीले जानकारी दिनुभयो ।