आँबुखैरेनी, ५ साउन । प्रदेश सांसद एवं गण्डकी प्रदेशका पूर्व आन्तरिक मामिला तथा कानुनमन्त्री हरि बहादुर चुमानको पहलमा तनहुँको आँबुखैरेनी गाउँपालिकाका विभिन्न योजनाहरुमा १० करोड भन्दा बढिको बजेट विनियोजन भएको छ। 

सांसद चुमानले आफ्नो निर्वाचन क्षेत्र तनहुँ क्षेत्र नं १(ख) का लागि आव २०७८÷०७९ का लागि बिनियोजीत बजेट र योजनाहरु सार्वजनिक गर्दा आँबुखैरेनी गाउँपालिकाका विभिन्न २ दर्जन जति योजनाहरुमा १० करोड १३ लाख २५ हजार रुपैयाँ बराबरको बजेट विनियोजन भएको हो।
सार्वजनिक योजना अनुसार सडक, पूल पूर्वाधारतर्फ आँबु–छिम्केस्वरी–हिलेखर्क–बाहुन भन्ज्याङ्ग (छिम्केस्वरी पर्यटन मार्ग) सडक निर्माणका लागि ६ करोड २५ हजार, ढकालटार चक्रपथ निर्माण (ढापटार–ढकालटार खानीखोला)का लागि ४० लाख, खहरेखोला सडकपुल र्निमाणका लागि ४० लाख, समस्तीपुर–यानचोक झोलुङ्गे पुल निर्माणका लागि ३० लाख, हिलेखर्क–खौली–प्युघर मार्गका लागि २५ लाख, जालभन्ज्याङ्ग–पुलुङ्ग सडक स्तरउन्नतीको लागि २० लाख, आबुखैरेनी १ हुदै बन्दीपुर ५ झारगाऊ मोटरमार्ग निर्माणका लागि ७ लाख र लाब्दी घुमाउने मोटरमार्ग निर्माणका ७ लाख विनियोजन गरेका छन्।

यस्तै खानेपानी तर्फ आधीमुल–सत्रसयफाँट खानेपानी आयोजना निर्माणका लागि ४० लाख, कालीखोला–बरादी खानेपानी आयोजना ४० लाख, मिलनचोक–जरेबर खानेपानीका लागि ३० लाख, लाब्दीखोला खानेपानी आयोजनाका लागि १० लाख, केउरानी–मजुवाडाँडा (लिफ्टीङ्ग) खानेपानीका लागि १५ लाख, थुम्कीडाँडा खानेपानी आयोजनाका लागि १० लाख, मार्कीचोक–खानेपानी आयोजनाका लागि ५ लाख, हिलेखर्क लिफ्ट खानेपानी आयोजनाका लागि ५ लाख, देउराली–पहरेपानी खानेपानी आयोजना ४ लाख, आँधीमुल–सत्रसयफाँट सिचाई योजना र आबुखैरेनी १ को नहर तथा संरचना र्निमाण कार्यका लागि ५ लाख रुपैयाँ विनियोजन गरेको छ।

यसैगरी भवन र मन्दीर तर्फ एक्लेफाँटमा मनकामना आमा समुहको भवन र्निमाणका लागि १५ लाख, र आँबुखैरेनी ४ मा जलदेवि मन्दीर र्निमाणका लागि पनि ५ लाख विनियोजन भएको छ। 

यस्तै शसर्त, बिशेष, समपुरक तर्पm कुडुलेमा लिफ्टीङ्ग प्रणाली सिचाई योजना निर्माण गर्न बिशेषबाट ५० लाख र  आबुखैरेनी २ ,ढकालटारमा लिफ्टीङ्ग प्रणाली सिचाई योजना निर्माणका लागि समपुरकबाट ५० लाख विनियोजन गरेका छन्।