- बिहिवार, श्रावण २८ गते २०८३
TRENDING
काठमाडौं, ४ मङ्सिर । नेपाल क्रिकेट संघ (क्यान)ले नेपाल प्रीमियर लीग (एनपीएल) टि–२० क्रिकेट प्रतियोगिता आयोजना गर्न भारतीय कम्पनीलाई १० वर्षका लागि ठेक्कामा दिने गरेको प्रस्तावको चौतर्फी बिरोध सुरु भएको छ ।
बुधबार बसेको क्यानको वार्षिक साधारणसभामा भारतीय कम्पनीलाई १० वर्षसम्म ठेक्कामा संचालन गर्न दिने प्रस्ताव गरिएको थियो । सो प्रस्तावको अहिले सामाजिक संजालमा कडा बिरोध भइरहेको छ ।
क्यान पदाधिकारीको तर्फबाट एनपीएल आयोजनाको जिम्मा १० वर्षका लागि भारतीय कम्पनी सेभेन ३ स्पोर्टस् प्रालिलाई दिने प्रस्ताव पेश भएको हो ।
सो प्रस्तावको साधारणसभामै पूर्वकप्तान एवं बारा प्रतिनिधि पवन अग्रवाल, प्रदेश ३ अध्यक्ष राजु बस्नेत लगायतले बिरोध जनाएको छ भने एनपीएल १० वर्षका लागि ठेक्कामा दिनु घातक हुने धारणा राखेका छन् ।
क्यानको प्रस्तावअनुसार यो कम्पनीले पहिलो वर्ष करिब साढे २ करोड क्रिकेट संघलाई बुझाउनेछ । र, क्रमशः बढाएर १० वर्षमा करिव ४० करोड बुझाउनेछ ।
तर प्रस्तावित भारतीय कम्पनीले अहिलेसम्म ठूलो खेल प्रतियोगिता आयोजना गरेको रेकर्ड भने छैन । सो प्रस्तावको क्यानकी पूर्व प्रमुख कार्यकारी अधिकृत भावना घिमिरेले पनि बिरोध जनाएकी छन् ।
उनले लेखेकी छन्–‘एनपिएल क्यानले नै गर्नुपर्छ, यसमा दुविधा भएन, तर भारतीय कम्पनीलाई दिनु गद्धारी हो । हामी सक्षम छौं, राष्ट्रिय खेलकुद परिषद्को ब्रोडकास्टिङ राइट्सको कथा नदोहोरियोस् ।’
सामाजिक संजालमा क्रिकेट समर्थकहरुले पनि क्यानको यो प्रस्तावको कडा रुपमा बिरोध भइरहेका छन् । उनीहरुले निजी संस्थाहरुले इपिएल, पीपीएल, डीपीएल, सीपीएललगायतका प्रतियोगिता गर्न सक्ने अवस्थामा नेपाली क्रिकेटको सर्वोच्च निकायले आँट गर्न नसक्नु लज्जास्पद रहेको भन्दै बिरोध जनाएका छन् ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
