- बिहिवार, श्रावण २८ गते २०८३
TRENDING
काठमाण्डौं, २१ मंसिर ।
गुरुङ समुदायले मनाउने तमू ल्होछार कोरोनाका कारण यस वर्ष टुँडिखेलमा नहुने भएको छ।
काठमाडौंको टुँडिखेलमा धुमधामका साथ मनाइने तमू ल्होछार कोरोना महामारीका कारण विभिन्न संघ संस्थाले अनुकूलताका आधारमा, स्वास्थ्य सुरक्षा मापदण्ड अपनाएर मनाउने तयारी गरेको छ ।
काठमाडौंमा ल्होछार मनाउँदै आएको तमू ह्युला छोंज धिँ गुरुङ राष्टिय परिषद, उपत्यका समितिले यस वर्षको ल्होछारको ढाचा परिवर्तनको तयारी गरेको छ
। कोरोनाका कारण ल्होछार सीमित व्यक्ति र समूहमा मनाउने तयारी गरेको थाहा भएको छ ।
परिषदका अध्यक्ष रेशम गुरुङले कोरोनाका कारण विगतको जस्तो ठूलो जनसंख्या उपस्थित भएर ल्होछार मनाउने स्थिति नभएको बताए । तर, आफ्नो संस्कृति र परम्परालाई निरन्तरता दिनका लागि सानो समूहमा भएपनि उपस्थित भएर कार्यक्रम मनाउने तयारी परिषदको छ ।
ल्होछार कसरी मनाउने भन्ने विषयमा छलफल गर्नका लागि मंसिर २७ गते काठमाडौंमा परामर्श बैठक बोलाइएको छ । सबै संघसंस्थाका प्रतिनिधिहरुको सामूहिक छलफलबाट ल्होछार मनाउने खाका तयार पार्ने तयारी छ ।
विगत तीन वर्षदेखि सरकारले ल्होछार लगायत आदिवासी जनजाति समुदायका चाडको सार्वजनिक विदा कटौती गरेकोमा विरोध जनाउँदै आएको छ । यस वर्ष भने नेवार समुदायको म्हः पूजा र मुस्लिम समुदायको चाडमा सार्वजनिक बिदा दिइसकेको छ ।
तमू ल्होछार पुस १५ मा पनि सरकारले सार्वजनिक विदा दिने अपेक्षा सम्पूर्ण तमू समुदायको छ । तमू समुदायको ल्होछारमा पनि सार्वजनिक विदा दिएर सरकारले समानताको व्यवहार देखाउने अपेक्षा रहेको अध्यक्ष रेशम गुरुङले बताए ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
