चितवन, २६ मंसिर ।
चितवनको नारायणगढ –मुग्लिन सडक खण्ड अन्तरगत इच्छाकामना गाउपालिका वडा नंं ५ स्थित खहरे पुलबाट ट्रक खस्दा दुई जना घाइते भएका छन्। रौतहटबाट इट्टा बोकेर काठमाण्डौ तर्फ आउँदै गरेको प्र.२–०३. ००१ ख ०७०९ नम्बरको ट्रक अनियन्त्रित पुलबाट गएराती २ः३० बजे करिब २० फिट तल खसेको ट्राफिक प्रहरी कार्यालय मुग्लिनकले जनाएको छ ।
दुर्घटनामा परी चालक जिल्ला रौतहट चन्द्रनिगाहापुर न.पा. वडा नं. २ बस्ने अन्दाजी वर्ष २६ का साजन परियार र सहचालक सोही स्थानका अन्दाजी वर्ष २४ का सुजन कँडेल घाइते भएको प्रहरीले जनाएको छ।
दुर्घटनामा परी घाइते भएका चालक र सहचालकलाई उद्धारपछि उपचारको लागि भरतपुर पठाइएको छ। उनीहरुको अवस्था मध्यम रहेको प्रहरीले जनाएको छ।