विकास गुरुङ, तेह्रथुम, १६ असार । तेह्रथुमको छथर गाउँपालिकाले किसानलाई परिचय पत्र वितरण गरेको छ ।
खेतीयोग्य जमिन बाँझो छाड्न नपाईने नियम वनाएको गाउँपालिकाले किसानलाई सुविधा र सहुलियत दिनकै लागि एक नम्वर प्रदेशमै पहिलो पटक किसान परिचय पत्र वितरण शुरु गरेको अध्यक्ष सन्तविर लिम्बुले बताउनुभयो । किसानलाई परिचय पत्र वितरण, वास्तविक किसानको पहिचानका लागि परिचय पत्र वितरण गरिएको अध्यक्ष लिम्बुको भनाइ छ ।
किसानका घर घरमै पुगेर लगत सङ्कलनगरि डिजिटल प्रविधिको परिचय पत्र वितरण गरिएको हो । गाउँपालिका क्षेत्र भित्र तीन हजार ६ सय घरधुरीको बसोवास छ । यि घरधुरीमध्ये दुई हजार सात सय १८ घरधुरी कृषि पेशामा आवद्ध छन् ।