फोनिजको ‘नीति तथा विधान’ सम्मेलन फागुनको २७ र २८ गते सर्लाहीको हरिवनमा हुने

इच्छाकामना न्युज

२४, फाल्गुण २०७९

फोनिजको ‘नीति तथा विधान’ सम्मेलन फागुनको २७ र २८ गते सर्लाहीको हरिवनमा हुने

काठमाडौं । नेपाल आदिवासी जनजाति पत्रकार महासंघ (फोनिज)को ‘नीति तथा विधान’ सम्मेलन यही फागुन २७ र २८ गते सर्लाहीको हरिवन नगरपालिकामा हुने भएको छ ।

यसअघि नै मिति तय गरिसकेको फोनिजले शुक्रबार सम्पन्न संघीय सचिवालय बैठकबाट सम्मेलन हुने स्थान तय गरेको हो । सम्मेलनमा देशभरबाट ३ सय भन्दा धेरै आदिवासी जनजाति पत्रकार सहभागी हुनेछन् ।

महासचिव मिलन लिम्बूका अनुसार सम्मेलनमा जिल्लाबाट निर्वाचित संघीय महाधिवेशन प्रतिनिधि, प्रदेशबाट निर्वाचित संघीय महाधिवेशन प्रतिनिधि, संस्थागत सदस्य संस्थाहरूबाट निर्वाचित संघीय प्रतिनिधि र अध्यक्षहरू, सातौँ संघीय महाधिवेशनका सन्दर्भमा संघीय समितिले मनोनित गरेका संघीय महाधिवेशन प्रतिनिधि, प्रदेश अध्यक्ष र महासचिवहरू तथा जिल्ला अध्यक्षहरूलाई प्रतिनिधिका रूपमा सहभागी हुने छन् ।

अधिवेशन सम्पन्न गर्न फोनिजले अध्यक्ष गजुरधन राईको संयोजकत्वमा ‘मूल आयोजक समिति’ गठन गरेको छ । समितिमा संघीय समितिका पदाधिकारी, सदस्यहरू र विभागका सदस्यहरू, मधेस प्रदेश समितिका अध्यक्ष तथा पदाधिकारीहरू र सदस्यहरू, मधेस प्रदेशका सबै जिल्ला अध्यक्षहरू र सबै संस्थागत सदस्य संस्थाका अध्यक्षहरू सदस्य रहने महासचिव लिम्बूले जानकारी दिए ।