तमू प्ये ल्हु संघ केन्द्रीय युवा समितिको उत्तरी गोरखाका गुरुङ गाउँहरुमा १० दिने बृहत साँस्कृतिक अभियान सञ्चालन

इच्छाकामना न्युज

२, बैशाख २०८०

तमू प्ये ल्हु संघ केन्द्रीय युवा समितिको उत्तरी गोरखाका गुरुङ गाउँहरुमा १० दिने बृहत साँस्कृतिक अभियान सञ्चालन

गोरखा । तमू प्ये ल्हु संघ केन्द्रीय युवा समितिले उत्तरी गोरखाका गुरुङ गाउँहरुमा १० दिने बृहत साँस्कृतिक अभियान सञ्चालन गरेको छ । गुरुङ समुदायको धर्मसंस्कार, संस्कृति, भाषा र भेषभुषाको मौलिकपना जोगाउन गाउँगाउँमा जनचेतना जगाउने उद्देश्यका साथ युवा समितिले गोरखाको धार्चे गाउँपालिका अन्तर्गत पर्ने गुरुङ गाउँहरुमा अभियान सञ्चालन गरेको हो ।

१० दिनसम्म सञ्चालन गरिएको अभियान २०७९ चैत २१ गतेदेखि सुरु गरि ३० गतेसम्म सञ्चालन गरिएको तमू प्ये ल्हु संघ केन्द्रीय युवा समिति शुक्रराज गुरुङले जानकारी दिए । समितिले गोरखाको धार्चे गाउँपालिकाको सदरमुकाम माछिखोलाबाट सुरु गरि लापु, गुम्दा, काशीगाउँ, केरौजा, रुन्चेत, हुल्चुक, उहिया, खोर्ला, सिंगला र लाप्राक गाउँमा अभियान समापन गरिएको उनले बताए ।

अभियानमा गुरुङ समुदायको बाहुल्यता रहेको ती गुरुङ गाउँहरुमा समुदायको धर्मसंस्कार, संस्कृति, भाषा र भेषभुषाको मौलिकपना कसरी, किन जोगाउने जस्ता कुरामा स्थानीय गुरुङ समुदायसँग छलफल र बहस गरेको अध्यक्ष गुरुङले बताए ।

समितिका अध्यक्ष शुक्रराज गुरुङको नेतृत्वमा चलेको अभियानमा ३० जना युवाहरुको सहभागिता रहेको थियो । अभियानको क्रममा धार्चे गाउँपालिकामा गुरुङ समुदायको मात्र बसोबास रहेको पाईएको र अभियानलाई स्थानीय गुरुङ समुदायले प्रशंसा गर्दै हामी गुरुङ समुदायले आफ्नो जातिको बारेमा बुभ्mन र बुझाउन जरुरी रहेको बताएको अध्यक्ष गुरुङले बताए ।