तमू प्ये ल्हु संघ चितवनको महिला समितिको आयोजनामा माङी पर्व मनाईयो

इच्छाकामना न्युज

२७, माघ २०८०

तमू प्ये ल्हु संघ चितवनको महिला समितिको आयोजनामा माङी पर्व मनाईयो

चितवन । तमू प्ये ल्हु संघ चितवनको जिल्ला महिला कार्यसमितिको अयोजनामा गुरुङ समुदायको माङी पर्व मनाईएको छ । शुक्रबार चितवनको नौरंगेमा एक कार्यक्रमको आयोजना गरी माङी पर्व मनाएको हो ।

गुरुङ समुदायको सृष्टि सृजना ९ गुरु ७ माङी (नारी) को कोखबाट जन्म भएको मानिन्छ । उनै महान ७ माङ (नारी) हरुको स्मरणमा हरेक वर्ष माघे औंसीको दिन पूजा प्राथना गरेर गुरुङ समुदायले माङी पर्व मनाउने गरेको छ ।

सोही अनुरुप यस वर्ष पनि तमू प्ये ल्हु संघ चितवनको जिल्ला महिला कार्यसमितिको नेतृत्वमा शुभकामना आदानप्रदान तथा ७ माङ (नारी) हरुको स्मरणमा पूजा प्राथना चितवनमा माङी पर्व मनाईएको हो ।

तमू प्ये ल्हु संघ चितवनको जिल्ला महिला कार्यसमिति अध्यक्ष शान्ति गुरुङको सभापतित्वमा सम्पन्न कार्यक्रममा प्रमुख अतिथिको रुपमा तमू प्ये ल्हु संघ चितवनका अध्यक्ष बिक्रम गुरुङ, विशिष्ट अतिथिमा तमू प्ये ल्हु संघ चितवनका पूर्वअध्यक्षहरु जगत बहादुर गुरुङ र लालप्रसाद गुरुङ रहेका थिए ।

महिला समिति सचिव ज्ञानु गुरुङले संचालन गरेको कार्यक्रममा उल्लेख्य मात्रामा गुरुङ समुदायको उपस्थिति रहेको थियो । साथै कार्यक्रमको अन्त्यमा खानपान र नाचगान समेत गरिएको तमू प्ये ल्हु संघ चितवनको जिल्ला महिला कार्यसमिति सचिव ज्ञानु गुरुङले जानकारी दिए ।