- शनिवार, कार्तिक २२ गते २०८३
TRENDING
दुम्किबास, असार १८ । पूर्व–पश्चिम राजमार्ग अन्तर्गत विनयी खोलामा निर्माण गरिएको नयाँ पुल भोलि बिहीबार (२०८२ असार १९ गते) देखि सवारीसाधन सञ्चालनका लागि खुला गरिने भएको छ।
पुलमा अघिल्लो वर्ष अत्यधिक भार परेपछि संरचनामा क्षति पुगेको थियो। त्यसपछि सडक डिभिजन कार्यालय भरतपुरले अस्थायी डाइभर्सन निर्माण गरी सवारी सञ्चालनमा ल्याएको थियो। तर बर्खायामसँगै आएको बाढीका कारण उक्त डाइभर्सन ९ पटकसम्म बगाइसकेको डिभिजनले जनाएको छ।
पटक–पटक डाइभर्सन बगाउँदा अत्यधिक खर्च वृद्धि हुनुका साथै यात्रुहरूका लागि जोखिम बढ्दै गएको थियो। सम्भावित दुर्घटना तथा जनधन क्षतिलाई मध्यनजर गर्दै डिभिजनले वैकल्पिक मार्ग प्रयोग गर्नसमेत आग्रह गर्दै आएको थियो।
डिभिजन भरतपुरका अनुसार हालसालै निर्माण सम्पन्न गरिएको नयाँ पुल प्राविधिक परीक्षण पश्चात् सञ्चालनयोग्य ठहरिएको छ। त्यसैअनुसार भोलिदेखि उक्त पुलमार्ग नियमित रूपमा सवारी आवागमनका लागि खोलिने छ।
स्थानीय बासिन्दा तथा यात्रुहरूका लागि यो पुलले राहत दिने विश्वास लिइएको छ। बर्खायाममा सुरक्षित तथा अबाध सवारी आवागमनको सुनिश्चितताका लागि नयाँ पुल महत्त्वपूर्ण हुने अपेक्षा गरिएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
