बनमन्त्रीले गरे पत्कर धुलो बनाउने मेसिनको उद्धाटन

इच्छाकामना न्युज

२२, आषाढ २०८२

बनमन्त्रीले गरे पत्कर धुलो बनाउने मेसिनको उद्धाटन

हेटौंडा । डाङ्डुङ्गे सामुदायिक वन उपभोक्ता समुहको हाताभित्र जडान गरिएको पत्कर धुलो बनाउने मेसिनको उद्धाटन गरिएको छ । पत्कर धुलो बनाउने र कुहिएको पत्करलाइ धुलो बनाएर मल बनाउने मेसिनको उद्घाटन बागमती प्रदेशका वन तथा वातावरण मन्त्री कृष्णप्रसाद सिलवालले गर्नु भएको हो ।

कार्यक्रममा मन्त्री सिलवालले मेसिनबाट उत्पादन भएको धुलो पत्कर कुखुरालाई ओछ्याउन काम लाग्ने र कुखुराको सुली मिसिएको धुलोले राम्रो मलको रुप लिने र त्यसबाट पनि आय अर्जनको लागि बाटो खुल्ने बताउनुभयो। उहाँले आफ्नो कार्यकालमा वन समिति , उपभोक्ताहरुको हितमा नयाँ नीति लागुगर्न छलफल भैरहेको समेत बताउनुभयो ।

डाङ्डुङ्गे सामुदायिक वन उपभोक्ता समुहका अध्यक्ष शालिकराम पुडासैनीको सभाध्यक्षतामा भएको कार्यक्रममा बिशिस्ट अतिथी बागमती प्रदेश सभा सदस्य भारती पाठकले शुभकामना ब्यक्त गर्दै वन उपभोक्ता महासङ्घसग पनी हातेमालो गर्न अनुरोध गर्नुभयो । आफु सामुदायिक वन उपभोक्ता महासङ्घको केन्द्रिय अध्यक्ष पनि भएकोले वनको मुद्दामा वकालत गरेको , बजेट ल्याउन सक्दो पहल गरेको बताउनुभयो ।

कार्यक्रममा वडाध्यक्ष जुना दाहाल , डिभिजन वन कार्यालय राप्ती मनहरीका प्रमुख हेमराज थापा , सहायक वन अधिकृत सुरेशकुमार गुप्ता , वन अधिकृत दामोदर पाण्डे , सब डिभिजन वन कार्यालय सनन्टारका प्रमुख हरिप्रसाद अधिकारी लगायतको आतिथ्यता रहेको थियो ।